Santiago, 30 de abril de 2014.- O voceiro do Mar do Grupo Parlamentario Popular, Jose Manuel Balseiro, salientou este mércores no transcurso da formulación dunha pregunta na Comisión de Pesca do Parlamento de Galicia que a nova normativa sobre tripulacións mínimas (Real Decreto 963/2013, do 5 de decembro de 2013) dá resposta a unha reivindicación histórica e recorrente do sector pesqueiro galego.
De feito, este cambio normativo, esta chamado a poñer fin a unha problemática que se estaba a dar nos portos da nosa comunidade, como consecuencia da dificultade que tiñan moitas flotas para atopar o persoal mínimo establecido na normativa anterior para saír a realizar as faenas de pesca.
CUMPRIMENTO DUN ACORDO PARLAMENTARIO
Balseiro tamén explicou que o novo Real Decreto sobre tripulacións supón o cumprimento efectivo dun mandato do Parlamento de Galicia que, promovido polo Grupo Popular en febreiro do ano 2013, instaba ás administracións a actualizar a normativa ata o momento vixente -e que databa do ano 1964- e na que se regulaban con evidente obsolescencia as asignacións de persoal mínimo para o despacho dos buques pesqueiros.
SEN MERMA DA SEGURIDADE
O voceiro do Mar do Grupo Popular explicou tamén que a nova normativa, que entrou en vigor o pasado mes de xaneiro e que se está aplicando con total normalidade, non supón nin unha redución da seguridade, nin na operatividade dos buques de pesca.
“O primeiro que temos que apuntar é que non ten nada que ver o feito de rebaixar ese número mínimo de tripulantes co feito de manter a seguridade das embarcacións pesqueiras. Con este número se pode dar unha atención e descanso suficientes e se estaría salvagardando a seguridade dos membros das tripulacións desas embarcacións”
Máis ao contrario, Balseiro apuntou que o novo Real Decreto fai posible adaptar á realidade presente, desde o punto de vista tecnolóxico e operativo, unha norma que databa do ano 1964 e que por incluír, incluía tamén a figura do fogoneiro, entre os profesionais de máquinas dun barco pesqueiro, profesión hoxe máis que obsoleta.
NORMATIVA CONSENSUADA
Balseiro dixo finalmente que a nova normativa nace despois dun amplo esforzo de consenso e diálogo cos principais axentes no ámbito da pesca. Entre outros, o Real Decreto foi sometido ao trámite de audiencia das asociacións profesionais e sindicais máis representativas, asociacións dos armadores e traballadores de buques pesqueiros, así mesmo, foron consultadas as comunidades autónomas litorais, entre elas, Galicia, que veu satisfeitas as súas reivindicacións.
Os populares galegos salientan o traballo da Xunta e do Goberno central dirixido a ofrecer solucións alí onde se ten constatado a existencia de problemas que afectan aos profesionais da pesca e lamentan que fora necesario que o Partido Popular accedera de novo á responsabilidade de Goberno en Madrid para facer efectivo este compromiso, dado a negativa continua e falta de interese coa que se atoparon os profesionais do mar neste ámbito entre os partidos da oposición.
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A convocatoria está fixada para as 19.30 horas no salón de sesións da Casa Consistorial. Un dos puntos da orde do día inclúe a proposta para designar as festividades locais de 2027. Tamén se presentarán dous expedientes de recoñecemento extraxudicial de crédito. Ademais, a corporación someterá a aprobación as actas das sesións celebradas os días 8 e 15 de xullo. A orde do día completarase coa parte de control, na que se dará conta das resolucións da Alcaldía e se abrirá a quenda de rogos e preguntas.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
