Burela, 11 de maio de 2014.- O presidente do Partido Popular de Lugo e voceiro do GPP no Senado, José Manuel Barreiro, pediu esta tarde en Burela o voto para Miguel Arias Cañete ao que se referiu como “a persoa que máis e mellor defendeu os intereses do sector pesqueiro en Europa”.
Así o puxo de manifesto o popular durante o mitin celebrado esta tarde no Hotel Nordés e no que participaron o vicesecretario xeral do PP de Galicia e conselleiro de Medio Ambiente, Territorio e Infraestruturas, Agustín Hernández, a voceira do PP galego, Paula Prado, e o presidente do PP local, José María González Barcia.
Os datos acreditan que “temos o mellor candidato”
O presidente dos populares lucenses asegurou que estas eleccións europeas “son importantes e o que se decida o próximo 25 de maio impórtalles aos galegos”, porque boa parte dos fondos comunitarios que fan posible proxectos claves para o país dependen das negociacións da U.E.
Neste senso, Barreiro referiu ao sector da pesca, -de vital importancia no citado concello da Mariña-; e lembrou que a preocupación de Arias Cañete “na defensa dos intereses do sector da pesca acredítase en datos”.
Así, o popular destacou que a capacidade de negociación e influencia de Cañete na U.E., en contraposición coa torpeza do PSOE, queda demostrada en circunstancias como o segundo incremento da cota de pescada no 2013, que aumentou, por primeira vez na historia, en dúas ocasións dentro dun mesmo ano ou a recuperación pola Xunta das campañas de promoción de consumo de bonito descoidadas por PSOE e BNG
A maiores, o líder dos populares lucenses concretou que con Cañete logrouse un incremento das cotas de pesca do 15%, conseguiuse unha flexibilización do estrito calendario que se presentaba para a prohibición dos descartes e evitouse que se prohibise as artes de enmalle e arrastre nas pesqueirías de augas profundas.
Compromiso da Xunta de Galicia con Burela
A maiores os populares puxeron de relevo o compromiso da Xunta de Galicia con Burela que “é real” e se demostra, por exemplo, “no desbloqueo e licitación da obra do acceso ao porto, esencial para a lonxa e para evitar o paso de vehículos pesados ao centro da localidade”.
“Burela terá unha nova gardería, veu multiplicados os apoios aos centros de atención social, casas de acollida e instalacións de benestar; promovéronse obradoiros de emprego e cursos de formación…”, enumeraron.
Polo que os populares concluíron que “só hai que analizar estes datos para comparar a xestión do goberno bipartito co actual e para ter a evidencia de que co PP, Burela gañou”.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
