A Mariña, 19 de maio de 2014. O BNG nun acto público celebrado ás oito e media da tarde na Sal Bahía coa participación da candidata número tres, Olalla Rodil, Xan Carlos González Basanta, portavoz municipal e a responsábel local, Lorena Seivane, reclamou o voto da rebelión para frear e mudar un modelo europeo feito ao servizo dos mercados e do capital que empobrece á sociedade e desmantela dereitos sociais e servizos públicos.
En Foz e Mariña somos coñecedores do que supón o desmantelamento da sanidade pública coa aplicación de recortes masivos que obrigan a desprazamentos das e dos usuarios a outros centros sanitarios fora da comarca, perda de facultativos nos centros de saúde e no propio Hospital da Costa, ou promesas incumpridas de ampliación de servizos como o PAC de Foz, o servizo de quimioterapia, a segunda sala de endoscopias e mesmo a anunciada ampliación do Hospital.
Para o BNG esta situación non so é froito das políticas do austericidio aplicadas polo PP dende o goberno do Estado, senón tamén do acordo para a reforma spress da constitución pactada por imposición da UE durante o goberno Zapatero entre PSOE e PP en 24 horas, que levaron á administración a asumir o rescate da débeda bancaria privada a costa da recortar gasto en servizos públicos esenciais como os sociais e sanitarios. Detrás desta decisión está o recorte brutal no gasto sanitario e a eliminación da universalidade no acceso ao servizo, mais tamén a paralización na aplicación da lei de dependencia e recortes drásticos nas transferencias ás CC.AA para o servizo de axuda a domicilio que en Galiza ten a mais de 19.000 persoas en lista de agarda ou a parálise na aprobación de axudas do RISGA.
Mentres se salva á banca privada, as empresas que xestionan autovías ou se ofrecen amnistías fiscais aos evasores, róubase ao pobo deixando á xente sen servizos sociais e sen tratamentos contra o cancro, como hoxe mesmo foi denunciado por un doente nos medios de comunicación. Os tratamentos para curar enfermidades graves hai que pagalos como sucede co copago de fármacos nas farmacias hospitalarias ou as próteses prescritas polo persoal facultativo e os traslados non urxentes en ambulancia.
O BNG leva anos enfrontando estas políticas antisociais e facendo parte desde fai xa 12 anos da Comisión Focega na Defensa da Sanidade pública que reclama un PAC en Foz, mais de catro da Plataforma na Defensa da Sanidade Pública da Mariña e recentemente coa rebelión promovida polo alcalde nacionalista de Riotorto contra o copago de fármacos de subministro e farmacia hospitalaria. Chegou o momento de someter a referendo ese traballo a pé de rúa e coa xente para converter a mobilización social nunha mobilización de votos que permita, dende o parlamento europeo e da man de Ana Miranda, transformar e mudar radicalmente esta situación.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
