Burela, 22 de maio de 2014.- A problemática en relación á Banda de Burela devén dun conflicto laboral no seo da Escola de Música que se está ocultando por parte do Concello. O Grupo Municipal do BNG formulou no último pleno municipal unha serie de preguntas en relación á modificación substancial das condicións de traballo de varios dos profesores que imparten clase na Escola de Música.
O Concello de Burela procedeu á modificación das condicións de traballo dalgúns dos profesores desde o pasado mes de marzo, xustificando esta medida en base a un informe elaborado pola dirección do centro. O que aínda non foi aclarado a día de hoxe polo Sr. Alcalde é por que desde o Concello non se puxeron en contacto co profesorado afectado para coñecer a súa situación laboral nin por que non se convocou á mesa negociadora para informar ao Comité de empresa desta situación, procedendo directamente á notificación do persoal afectado.
Para a formación nacionalista “resulta anómalo que se proceda á modificación laboral de varios dos profesores en pleno mes de xaneiro, unha vez iniciado o curso escolar e tendo en conta que o Concello procedeu á contratación de tres profesores nese mesmo mes. Non se entende que se lle reduza a xornada laboral a algúns profesores mentres se está a contratar novo profesorado en metade do curso escolar”. Desde o BNG engaden que “esta é unha máis da longa serie de irregularidades practicadas polo Concello en relación á Escola de Música, como aconteceu co proceso de matriculación para o presente curso escolar, onde os pais e nais non foron informados da suba nas taxas de matriculación aprobadas polo PP, que viron como se incrimentaba o custo en relación ao prezo inicial. O Concello de Burela ten coñecemento do malestar existente neste sentido e a día de hoxe aínda non aclarou esta situación coas persoas afectadas”.
O PP prescinde do director da Banda de Burela desde marzo e pon en risco a continuidade mesma da propia agrupación.
O Grupo Municipal do BNG tamén preguntou en pleno pola Banda de Música, onde o Sr. González Barcia recoñeceu que o Concello prescindiu do Director da banda desde o pasado mes de marzo. Para o BNG queda claro que se trata dunha persecución por motivos políticos e que realizou un despedimento encoberto, procedendo á reducción da xornada laboral do director ata a mínima expresión para evitar o despido. Con esta medida adoptada polo Goberno do PP, a banda de Burela queda nunha delicada situación, sen financiamento de ningún tipo, sen colaboración do Concello e agora sen director, como ten denunciado publicamente Amigas e Amigos da Banda. Mario Pillado, portavoz municipal do BNG afirmou que “trasladamos todo o noso apoio á banda de Buela e que traballaremos desde o Grupo Municipal para que a banda non desapareza”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
