Compromiso bota a andar en Ribadeo

Este venres 6 de xuño preséntase en Ribadeo a coordinadora local da organización política Compromiso.

O obxetivo desta formación política é ser unha plataforma de participación cidadá, para fomentar e facilitarlle a participación en política a calquera veciño, e así poidan tomar un papel activo na toma de decisións que lles inflúen.

Presentaremos candidatura as eleccións municipais, o noso candidato será elixido en primarias abertas a cidadanía entre todos os veciños que se queiran presentar, como ven facendo está organización para a escolla dos seus candidatos as diferentes eleccións dende o seu nacemento.

A persoa que toma a iniciativa e encargada de coordinar o traballo de Compromiso en Ribadeo será Agustín Yañez, que exercerá de portavoz da organización a nivel local.

“Anímo a todas e todos os veciños que queiran tomar un papel activo no seu entorno, a todas as persoas que queiran facer política de forma distinta, que queiran participar dun proxecto colectivo que demostra con feitos que outras prácticas na vida pública son posibles. Calquera persoa que desexe contactar con nós pode facelo por medio do facebook, da páxina do partido ou ben falando directamente conmigo.Dende Compromiso non somos políticos profesionais, somos cidadáns cos nosos traballos que queremos que mellore o noso concello e para iso empregamos o noso tempo”, dixo Yáñez.

Así mesmo, o portavoz Local de CxG engadiu que “consideramos que en Ribadeo se poden mellorar moitas cousas e nós estamos aquí para facer aportacións positivas, para presentar alternativas e para que en Ribadeo os veciños poidan dispor dunha verdadeira ferramenta democrática por medio da cal participar en política”.

“Somos unha organización de paredes de cristal e portas abertas, na que calquera cidadán pode participar, opinar e votar sen estar tan sequera afiliado. Somos activistas políticos, persoas con vocación de servizo público, ganas de facer aportacións positivas para mellorar o noso entorno e a sociedade, traballamos para algo tan sinxelo como para que nas institucións haxa persoas que gobernen para persoas”, asegurou Iván Marrube, responsable de política municipal.