Medo ao exercicio da democracia

Os do bipartidismo seguen sen entender nada. Afastados como están da rúa, aínda non dixeriron o notable descenso de votos nas últimas eleccións e, no canto de cambiar de estratexia, seguense enrocado nas súas posicións.

Mentres miles de cidadans saíron á rúa para reivindicar a república trala renuncia do rei, os dirixentes do PP e PSOE non fixeron máis que adulalo. O monarca cría que abdicar era unha casa de coches de aluguer e por iso tardou 39 anos en facelo

O peloteo do PP ao rei era previsible, aínda que non tanto o do PSOE, que renunciou ás súas raíces republicanas e apuntouse ao carro oficialista da babosería, negando a palabra ao pobo para que decida libremente si quere república ou monarquía.

A campaña laudatoria do rei fixo ruborizarse a máis dun. Ata o máis convencido monárquico podería fácilmente converterse ao republicanismo só por vergonza allea. Tanto tostón non pode pasar desapercibido a ninguén.

O poder sempre ten medo a exercer a democracia sen andrómenas nin ambages porque teme que o pobo o contradíga e censure. A monarquía ten pouco que ver coa democracia porque o xefe do Estado non o elixe a xente senón que se impón por privilexios sucesorios de sangue.

Os gobernos temen que o pobo pronúnciese polo sistema político que quere, polo seu autodeterminación ou polos recortes sociais. Só queren democracias formais, seguen querendo subditos, non cidadans, pan e circo e non cultura, cartos na Suiza e fame na rua………

Otero Regal.