Lourenzá, 16 de xuño de 2014. A sección de atletismo das Escolas Deportivas Lourenzá-Mondoñedo participou no campionato galego de clubs celebrado o pasado sábado, día 14, nas pistas universitarias de Santiago de Compostela e acadou a terceira posición na categoría alevín masculino.
Dende as Escolas Deportivas explicaron que “ata a capital galega desprazáronse catro equipos: benxamín feminino e masculino, alevín feminino e masculino. O campionato celebrouse nunha mañá soleada e cunhas temperaturas moi altas nas horas centrais do día, o que dificultou en certa medida as probas de media e longa distancia. Pese a isto todo os nenos participaron a un gran nivel e obtiveron uns grandes resultados competindo contra outros 16 clubs chegados de toda Galicia. Nesta ocasión o equipo que subiu ó podio foi o alevín masculino, que acadou a 3ª posición. Os benxamíns femininos quedaron en 9ª posición de 14 equipos; benxamín masculino, 6ª posición de 11 equipos; e alevín feminino, 5ª posición de 17 equipos”.
Os atletas participantes foron os seguintes:
Benxamín feminino
Diana Lastra Rivas. Participou en 50 metros lisos acadando a 5ª posición na súa serie e a 6ª na xeral, cun tempo de 9,05 segundos. Tamén participou en 4 x 50 metros relevos.
Valeria Álvarez Fojo. Participou en 500 metros lisos acadando a 6ª posición cun tempo de 1,55 minutos. Tamén participou en 4 x 50 metros relevos.
Carmen García Vázquez. Participou en 1.000 metros lisos, acadando a 10ª posición cun tempo de 4,15 minutos. Tamén participou en 4 x 50 metros relevos.
Jimena Otero Palacios. Participou en lanzamento de peso, acadando a 7ª posición cun lanzamento máximo de 3,88 metros.
Antía Iglesias Terrón. Participou en 1.000 metros marcha, acadando a 10ª posición.
Aldara Fernández García. Participou en salto de lonxitude, acadando a 9ª posición cun salto máximo de 2,43 metros. Tamén participou en 4 x 50 metros relevos.
O equipo benxamín feminino acadou a 4ª posición na súa serie e 9ª na xeral na proba de 4 x 50 metros lisos relevos cun tempo de 37,55 segundos.
Benxamín masculino
Adrián Rodríguez Pérez. Participou en 50 metros lisos, acadando a 1ª posición da súa serie e 2ª da xeral, cun tempo de 8,60 segundos Tamén participou en 4 x 50 m. relevos.
Manuel Rodríguez García. Participou en 500 metros lisos, acadando a 8ª posición cun tempo de 1,50 minutos. Tamén participou en 4 x 50 m. relevos.
Brais Díaz Salas. Participou en 1.000 metros lisos, acadando a 9ª posición cun tempo de 4,03 minutos.
Fernando Vallines Fernández. Participou en lanzamento de peso, acadando a 3ª posición cun lanzamento máximo de 6,25 metros. Tamén participou en 4 x 50 metros relevos.
David Martínez Janeiro. Participou en salto de lonxitude, acadando a 5ª posición cun salto máximo de 2,91 metros. Tamén participou en 4 x 50 m. relevos.
O equipo benxamín masculino acadou a 3ª posición tanto da súa serie como da xeral na proba de 4 x 50 metros lisos relevos, cun tempo de 34,44 segundos.
Alevín feminino
Ainara Rodríguez Ares. Participou en 60 metros lisos, acadando a 1ª posición da súa serie e 2ª da xeral cun tempo de 9,34 segundos. Tamén participou en 500 metros lisos acadando a 1ª posición cun tempo de 1,31 minutos.
Ana Vallines Fernández. Participou en 1.000 metros lisos, acadando a 6ª posición cun tempo de 3,53 minutos. Tamén participou en salto de altura, acadando a 6ª posición cun mellor salto de 1,19 metros.
Mencía Martínez-Sierra Franganillo. Participou en lanzamento de peso, acadando a 4ª posición cun lanzamento máximo de 7,52 metros.
Hiba Bouyzar. Participou en 2.000 metros marcha, acadando a 11ª posición. Tamén participou en 4 x 60 metros relevos.
Ainhoa López Iglesias. Participou en salto de lonxitude, acadando a 5ª posición cun mellor salto de 3,41 metros. Tamén participou en 4 x 60 metros relevos.
Aroa Sordo Álvarez. Participou en relevos 4 x 60 metros lisos.
Carme Alonso Mourelle. Participou en relevos 4 x 60 metros lisos.
O equipo alevín feminino acadou a 3ª posición da súa serie, 13ª da xeral, na proba de 4 x 60 metros lisos relevos, cun tempo de 41,03 segundos.
Alevín masculino
Aleix Díaz Salas. Participou na proba de 60 metros lisos, acadando a 1ª posición, tanto da súa serie como da xeral, cun tempo de 9,18 segundos. Tamén participou en relevos 4 x 60 metros lisos.
Alexandre Santiago López. Participou na proba de 500 m. lisos, acadando a 2ª posición cun tempo de 1,30 segendos. Tamén participou en salto de altura, acadando a 2ª posición cun salto máximo de 1,19 metros.
Hugo Villalba León. Participou na proba de 1.000 metros lisos, acadando a 6ª posición cun tempo de 3,36 minutos. Tamén participou en relevos 4 x 60 metros lisos.
Samuel Debasa López. Participou na proba de lanzamento de peso, acadando a 10ª posición cun mellor lanzamento de 4,76 metros. Tamén participou en relevos 4 x 60 metros lisos.
Imad Itrih. Participou na proba de 2.000 metros marcha, acadando a 6ª posición.
Nicolás Álvarez Fojo. Participou na proba de salto de lonxitude, acadando a 7ª posición cun mellor salto de 3,47 metros. Tamén participou en relevos 4 x 60 metros lisos.
O equipo alevín masculino acadou a 4ª posición na súa serie, 5ª da xeral, na proba de 4 x 60 metros lisos relevos, cun tempo de 39,82 segundos.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
