Ribadeo, 17 de xuño de 2014. Ribadeo acollerá a II Mostra de Vehículos Clásicos os días 30 e 31 de agosto. O evento, que organiza Apaga (Asociación de Profesores de Automoción de Galicia) celebrarase nos xardíns do hotel O Cabazo. A novidade deste ano é que os que o desexen poderán poñer á venda os seus coches e motos antigas, ademais de pezas destes vehículos. Este evento é unha das actividades que se organizan paralelamente ao Forum de Innovación e Formación sobre Vehículos, que terá lugar esa mesma semana.
O presidente de Apaga, Álvaro Doural, sinalou que “este ano a mostra de vehículo clásico se transforma en feira, para responder á petición de varias persoas, que teñen tanto coches como motos, coa idea de intercambiar e vender ademais de expoñer. É dicir o que é unha feira ao uso”.
Tanto Francisco Javier Rodríguez, directivo tamén de Apaga, como Doural indicaron que “os interesados en participar, tanto particulares coma empresas, poden dirixirse á nosa páxina web www.apaga.es para entrar en contacto con nós, no teléfono 639 88 49 45 ou no correo electrónico adoural@apaga.es”.
Álvaro Doural dixo que “logo teremos unha xuntanza para ver como imos organizando todo isto. É un servizo gratuíto, non haberá que pagar nada por participar. A Feira Mostra acollerá vehículos clásicos en exposición, pero tamén coches ou motos que os seus propietarios desexen poñer á venda ao igual que aqueles motores ou pezas de vehículos clásicos que os particulares queiran vender. Todos terán aquí o seu espazo”.
Desde Apaga subliñan que “é unha actividade aberta a todo mundo. Queremos crear un ambiente propicio para que se poida repetir en anos sucesivos”. E engaden que “si o ano pasado houbo unha participación de máis de vinte vehículos clásicos, neste 2014 agardamos incrementar esta cifra. O importante é que se poña en marcha esta feira de venda, de intercambio de pezas, de exposición, etc. É un complemento importante ao Fórum de Innovación e Formación sobre Vehículos, que presentaremos máis adiante. Isto completa unha semana importante para Ribadeo no mundo do automóbil. Estamos abertos a todo tipo de solicitudes e suxerencias, dentro da capacidade organizativa que ten esta asociación. Non pretendemos arrincar cun evento como se fai noutros sitios do territorio nacional, pero si crear un ambiente para que isto vaia in crescendo ano a ano”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
