A Mariña, 18 de xuño de 2014. O Bloque Nacionalista Galego na Mariña fai un chamamento á participación das mulleres e homes da comarca na mobilización convocada para mañá, xoves 19, ás 20:30h. na Praza da Mariña, en Burela. Para o BNG “esta é a oportunidade que as mulleres e homes da comarca, demócratas, temos para expresar a nosa opinión sobre un momento histórico no que se impón unha sucesión para lavar a cara dunha monarquía obsoleta e inzada de corrupción; xa que oficialmente impídese a participación democrática de pobos e persoas.”
Os nacionalistas aseguran que “calquera demócrata apostaría porque neste momento a cidadanía tivera posibilidade de opinión e se someterá a discusión un modelo de estado caduco, reaccionario e antidemocrático que, como vemos, non permite a participación das persoas nin dos pobos.”
Desde o BNG apostan por “superar o actual marco estatal caduco e fóra da realidade, que ten como máximo expoñente a monarquía, pero que debería estenderse a outras institucións con formulacións que permitiran a participación da xente e a existencia das nacións.”
Neste sentido, os nacionalistas teñen claro que “este momento debería aproveitarse para abrir un novo proceso constituínte no que os pobos e as persoas foran os actores principais, dun xeito democrático e que permitira existir ás nacións como suxeitos con dereito propio.”
O BNG, como nacionalistas galegos, “aspira a que Galiza poida decidir sobre os seus propios recursos e adoptar as súas propias políticas sen subordinacións a outros poderes alonxados da realidade galega e que priorizan outros intereses antes ca os das galegas e galegos; converténdose en espazo político propio e acadando o estatus de República da Galiza.”
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
