Ribadeo, 27 de xuño de 2014.- Ribadeo sufre outra vez máis a nefasta xestión do alcalde. Nesta ocasión, no tocante as brigadas forestais. A súa incompetencia trae consigo, desta vez, que o concello non conte con brigadas antiincendios nos meses de verán e que non se poida contratar persoal para desenvolver este servizo.
Esta situación fai que o presidente do PP de Ribadeo volva a saír a palestra para denunciar esta incompetencia do rexedor e para verter duras críticas pola súa nula xestión, xa que ademais de perder un dispositivo clave, perde a oportunidade de contratar a persoal, máxime tendo en conta o contexto actual que vivimos.
Se o tempo que dedica Suárez Barcia a “chorimiquear”, o dedicase a traballar, non perdería cousas importantes para Ribadeo
Jesús López Penabad criticou, tamén, as contradicións do rexedor, quen se queixa dos incendios pero sen embargo non solicita as brigadas.
“Esta é a tónica predominante do rexedor: vitimismo e protesta”- lamenta López Penabad, quen critica que perda o tempo facendo demagoxia en vez de traballar.
Porén o popular insta a Suárez Barcia a que deixe esta matutina diaria, non perda o tempo en protestar e chorimiquear e dedique ese tempo perdido a non perder o importante, como foi neste caso as brigadas.
Un servizo moi necesario para Ribadeo
Jesús López Penabad lembrou que dase a circunstancia que este verán producíronse tres incendios neste concello de A Mariña, polo que considera imprescindible este servizo.
Lamentou o popular que Ribadeo perda a brigada contraincendios e a oportunidade de xerar postos de traballo por culpa de Suárez Barcia, quen non solicitou dito dispositivo malia a ser subvencionado pola Xunta de Galicia.
Esta incompetencia, conclúe o presidente dos populares neste municipio, trae consigo que o Concello de Ribadeo non conte cunha subvención superior aos 30.000 euros para contratar entre 4 e 6 traballadores, cun 75% do seu custe salarial subvencionado polo Goberno Galego, concretamente, pola Consellería de Medio Rural e Mar.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
