Ribadeo 1 de xullo de 2014.- Repletas de maleza e ocupando a meirande parte da estrada. Así se atopan os viais provinciais de acceso as praias das catedrais en Ribadeo. Unha situación froito da deixadez, pasividade e irresponsabilidade de Gómez Besteiro, quen outra vez, demostra que os seus anuncios quedan en papel mollado.
Porén e debido a esta situación, o presidente do PP de Ribadeo, reclamou esta mañá ao presidente da Deputación, como responsable destas calzadas, a limpeza e desbroce destes viais de acceso a estas praias e urxiuno a levar a cabo estes traballo de mantemento e conservación de xeito inmediato e antes de que aconteza algunha desgraza.
Alertou López Penabad da perigosidade desta situación posto que os viandantes invaden a estrada porque, as calzadas, ou ben carecen de arcéns ou se atopan repletos de maleza, o que os obriga a pasear polo medio do vial, expoñéndose a un perigo constante.
Ademais, o popular lamentou a mala imaxe que levan da zona os miles de turistas que acoden a Ribadeo para visitar estas praias, uns areais considerados como xoias paisaxísticas pero que sen embargo acceder a eles supón un serio perigo.
O popular apuntou a que esta situación de deixadez é extensible a outros viais da zona polo que instou tamén ao goberno local, concretamente ao rexedor de Ribadeo, Fernando Suárez, a requirirlle a Deputación de Lugo, que acometa estes traballos na maior brevidade posible e antes de que suceda algunha desgraza.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
