A terceira edición da FESTA CASTREXA de Burela xa é unha realidade. As principais rúas, prazas, hostalería e comercios traballan nos últimos preparativos para que a partir desta tarde a vila de Burela reviva durante toda a fin de semana o seu pasado castrexo.
A Asociación de Comerciantes e Empresarios de Burela encárgase un ano máis da organización do evento, que este ano presenta como gran novidade a celebración das VODAS CASTREXAS. Á 1 da madrugada, coincidindo coa noite de lúa en cuarto crecente, o porto de Burela será o escenario no que vinte parellas casen polo rito celta.
Pero desde esta tarde xa se notará o ambiente festivo en Burela, xa que o MERCADO CASTREXO, que este ano permanecerá aberto desde hoxe ata a noite do domingo, ocupará as prazas do Concello e da Mariña e que, ademais dos postos de venda artesáns, acollerán diferentes espectáculos de música, lume, cetraría, monicreques, malabares, teatro…
Outro dos maiores atractivos da festa este ano é o DESFILE DE CLANS, que percorrerá as rúas de Burela desde o nove e media da noite até a súa chegada ao porto. Alí procederase á lectura do pregón, a cargo do xefe do Clan Egovarros Mariños e presidente de ACIA Burela, Pedro Fraga; nomearase aos “Castrexos de Honra” deste ano e celebrarase o tradicional Brindis Castrexo.
A terceira FESTA CASTREXA de Burela continúa o sábado cos tradicionais xogos castrexos “A Guerra dos Clans” pola mañá e “A Busca do Torques de Ouro” pola tarde, que ofrecen un ano máis importantes premios económicos: 500€ e 1000€ respectivamente.
A gastronomía tamén ten un papel protagonista na festa, xa que os locais de Burela ofrecerán durante estes días tapas castrexas a 2€ e menús castrexos a 12€.
Actuacións musicais, mercado tradicional, xogos infantís, premios ás mellores caracterizacións castrexas, tanto de grupos como de locais, e un sorteo de 1000€ en vales de compra entre os clientes do comercio local completan o programa festivo deste ano.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
