ACISA entregou os 500 euros en vales de compra da campaña do Ribadeo Indiano

Ribadeo, 16 de xullo de 2014. Nas instalacións de Acisa tivo lugar este mércores a entrega de premios ós gañadores dos 500 euros en vales de compra, que se puxeron en xogo na festa Ribadeo Indiano, celebrada a pasada fin de semana na localidade.

Entre os centenares de persoas que fixeron as súas compras no comercio ribadense do 10 ó 12 de xullo, e que depositaron os seus resgardos nas oficinas de Acisa, nos bares Costa Verde e Queimada e na caseta do mercado de productos de ultramar, que Concello e Asociación de Comerciantes instalaron o sábado na rúa San Roque, efectuouse un sorteo o sábado pola noite no transcurso da verbena indiana que tivo lugar no parque de San Francisco.

Once son os premiados con vales de compra polo importe do gasto efectuado por eles mesmos no comercio ribadense, e que oscilan entre os 13 e os 133 euros. Algúns recolleron o seu agasallo este mércores e outros farano ó longo dos próximos días.

Dende a directiva de Acisa destacan “la buena acogida que esta campaña tuvo entre la clientela de los establecimientos asociados y el impulso que supuso para las ventas durante esos días. Agradecemos la involucración del comercio de Ribadeo en la primera fiesta indiana, que organizamos el Concello y Acisa, y la participación de ribadenses y visitantes”.