A Comisión de Festas do Carme quere facer un agradecemento público a todas as persoas, colectivos e empresas que colaboraron e apoiaron esta celebración, facéndoa posible. Primeiro de todo, a comisión quere dar as grazas “a todos os veciños que colaboraron facendo doazóns, porque as súas achegas son fundamentais para poder organizar as festas”.
Ademais quere facer unha mención especial aos veciños e veciñas que durante 15 días traballaron cortando a tuia para as alfombras florais, dedicándolle unhas 10 horas diarias a esta tarefa e que “fan un traballo impagable” e tamén a todos os que a confeccionaron o día da procesión.
A comisión tamén quere agradecer a súa colaboración a persoas particulares como o pregoeiro, Antón Mosquera; a Pepe Rey, que tivo un papel importante na revista das festas; a Monterroso, polo lanzamento das bombas de palenque, ou a María del Mar Otero pola ofrenda floral.
En canto a colectivos, agradecer tamén á Coral do CIT, ao Club Medela MTB, e aos grupos de teatro Ardora e O Bordelo. Sen esquecer a todas as empresas e comercios que fixeron as súas achegas económicas ou que colaboraron anunciándose na revista das festas. Tamén salientan a colaboración do Concello de Cervo, que fai unha aportación importante ás patronais, ou a do Concello de Xove.
“As Festas do Carme son o resultado dos esforzos de moitas persoas, colectivos e administracións, que coas súas achegas particulares conseguen un obxectivo común: poñer en marcha unhas festas para todos os públicos e con multitude de actividades en diferentes puntos de San Cibrao para activar a economía en diferentes zonas” asegura o presidente da Comisión, José Ramón Soto.
Ao mesmo tempo a Comisión fixo balance do desenvolvemento das festas. “A participación veciñal foi destacable, e o seguimento das festas moi positivo, xa que todas as actividades tiveron moita afluencia”.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
