O Grupo de Montaña do CDB Marqués de Casariego de Tapia organiza unha semana polos Pirineos entre o 2 e o 6 de agosto. Teñen prevista unha ruta polo pirineo aragonés situado a 1.300 metros de altitude que comezará á beira do embalse de Lanuza; pero tamén visitarán o refuxio de Respomuso (2.160m, España) ao sur do macizo de Balaitus (Lagos de Arriel), o refuxio de Arremoulit (2.305m, Francia) norte do macizo de Balaitus (Lago de Arrious) e ibones de Anayet desde Formigal coa ascensión ata o vértice de Anayet (2.559m). Tanto na vila de Sallent de Gállego, de 1.500 habitantes, coma nos seus arredores existen multitude de actividades e lugares que visitar como alternativa aos que non queiran camiñar. O prezo das actividades é de 430 euros ou 330 para os socios e 280 para os socios colaboradores. Os interesados poden inscribirse nos teléfonos 689 175 515 (José Luis), 608 540 828 (Eva) e 659 000 707 (Javi) antes do luns 28 de xullo.
Semana no Pirineo aragonés dende Tapia
Semana no Pirineo aragonés dende Tapia
Relacionado
-
A deputada de Cultura Iria Castro asistiu este mércores á Festa daFilloa, que reuniu no recinto feiral de Muimenta centos de veciños evisitantes arredor desta receita tradicional
-
O Concello de Vilalba, ABANCA e Afundación, a Obra Social de ABANCA, inauguraron na Sala Ramón Guntín de Vilalba, a mostra «Castelao grafista (facsímile)»
-
O xoves, 2 de maio ás 20:30h, a libraría Bahía de Foz acolle a presentación – recital sobre o poemario ‘Escribir Silencio’ de José A. Alfonso