Trípode na madrugada mindoniense

O pasado xoves, día 24, o Grupo Humorístico Trípode participou nas noites de verán en Mondoñedo cunha actuación en plena rúa preto das dúas da madrugada -xa no día 25, polo tanto-. Nesta ocasión foi a Cafetería O Rincón a que os invitou e a actuación tivo lugar en plena rúa, diante das terrazas da cafetería. Comidas, bebidas, simpatía de clientes, camareiros e do propio Manolo, propietario do establecemento, acompañaron as toleadas do grupo, que, como sempre, fixo participar a varios dos asistentes na súa comedia.