Lugo 29 de xullo de 2014.- O Grupo Provincial Popular reproba que o presidente da Deputación de Lugo, José Ramón Gómez Besteiro, se negase este martes en pleno a escoitar aos alcaldes da provincia na elaboración dos orzamentos participativos, pese a tratarse dos representantes lexítimos e directos dos veciños.
Os populares levaron esta moción ao pleno co obxectivo de que o espírito de escoitar á cidadanía que está a vender o equipo de goberno provincial a través da elaboración dos orzamentos participativos se extendese ás corporacións municipais.
Dende o Grupo Provincial do Partido Popular, que se amosaron en reiteradas ocasións en defensa da participación da cidadanía na elaboración dos orzamentos, consideran a maiores que o presidente da Deputación tamén debe atender a todas e cada unha das administración municipais, sexan da cor que sexan, por ser as voces directas dos veciños.
Porén, a realidade é que Besteiro non traballa para todos, senón para uns poucos e non respecta aos alcaldes como os representantes do municipalismo. “Os rexedores locais dos 43 concellos gobernados polo Partido Popular non senten ao seu carón á Deputación para apostar polo desenvolvemento da provincia recibindo a calada por resposta á petición de reunións”.
Neste sentido, os populares pregúntanse onde está a democracia, a transparencia e a obxectividade cando 15 concellos da cor política do PSOE e do BNG recibiron nun só ano en subvencións excepcionais máis diñeiro que os 67 municipios da provincia en catro anualidades a través do Plan de Obras e Servizos.
Os populares consideran moi difícil de entender que o equipo de goberno da Deputación votase en contra a unha iniciativa na que se pide que se teñan en conta aos rexedores; xa que para que a cooperación funcione precisa do bo coñecemento das necesidades locais froito do diálogo con todos os municipios.
“A Besteiro o que lle molesta non é que a xente opine, é que a xente vote”, concluíron os populares.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
