Barreiros, 30 de xullo de 2014. O espazo artístico Eido Dourado organiza para este venres un novo concerto englobado no seu ciclo de música estival. Nesta ocasión o concerto celebrarase nas terrazas do cámping Gaivota. A banda inglesa Oxford University Ceilidh Band será a encargada de presentar un directo baseado no folk a partir das 23:00 horas. A entrada será gratuíta ata completar aforo.
Celso Dourado declarou que “vai ser o concerto estrela do verán no cámping Gaivota. Trátase dunha banda de Oxford, en concreto a Oxford University Ceilidh Band, que nace en Reino Unido arredor do 2011 en torno a palabra céilidh. Esta palabra é de orixe gaélico, que ven a ser sinónimo das nosas tradicionais foliadas ou seráns. E esta banda fai unha música que mestura cantidade de pezas inglesas, irlandesas e escocesas, con melodías incluso de diferentes países. Normalmente traballan moito o que sería en termos musicais as xigas, os reels e as polcas”.
O artista barreirense subliñou que “foi posible organizar este concerto a través dunha amiga e dun amigo que están na Universidade de Oxford e que se propuxeron coñecer un pouco máis de preto a música de raíz galega e facer unha viaxe por Galicia, dalgunha maneira foi un pouquiño fácil. Van recalar no cámping Gaivota e o concerto será promovido, unha vez máis, polo Eido Dourado”.
Sobre o céilidh Celso Dourado afirmou que “trátase dunha música terriblemente divertida e non hai festa patronal ou voda que non a organice. Unha parte desta banda que nos visita son músicos e outra parte dedícanse ao baile rexional, co cal incluso sacan a xente a bailar e é unha gozada velos. Nós imos mesturar esta actuación coa tradicional queimada galega do cámping Gaivota, un feito que penso pode converter o evento nunha noite marabillosa. Dende o Eido Dourado, invito a xente a vir gozar e recórdolles que a entrada é libre, aínda que o aforo é limitado, así que entraremos todos os que collamos”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
