Burela, 30 de xullo de 2014. A oficina de turismo de Burela abriu este mércores as súas portas e así seguirá durante todos os días da semana ata mediados de setembro. A concelleira de Cultura, Mónica Pedre, tamén anunciou que o barco museo Reina del Carmen estará aberto as fins de semana e que haberá un servizo de visitas guiadas á igrexa da Vila do Medio.
A edil popular relatou que “a oficina de turismo de Burela abriu hoxe e estará aberta, como mínimo, ata mediados de setembro. Ata o de agora a información aos turistas estábase a dar no Concello e vaise a seguir dando alí, sen ningún tipo de problema, ao igual que se fai durante todo o ano. A oficina de turismo tamén estará aberta as fins de semana”. Mónica Pedre dixo que “ademais o que fixemos foi adoptar unha fórmula para que o barco museo Reina del Carmen tamén estea aberto durante as fins de semana, nos mesmos horarios que ten durante a semana. O barco ten uns horarios coma calquera museo e o que imos facer é abrilo tamén as fins de semana”.
Pero hai máis novidades no ámbito turístico en Burela: “tamén habilitamos outra fórmula para contar con unha ou con dúas persoas que sirvan de guías a visitas organizadas á igrexa do Vila do Medio. Alí non pode haber unha persoa permanentemente porque ao mellor pasa un día sen recibir nin unha soa visita e iso non é operativo. Todas estas cuestións se canalizarán desde a oficina de turismo e desde o propio Concello”.
Pedre engadiu que “aínda recoñecendo que estas medidas se adoptan tarde, a oficina está aberta, o barco museo abrirá tamén durante as fins de semana ata mediados de setembro e activamos unha fórmula para facer visitas guiadas á igrexa de Vila do Medio, sen molestar ás veciñas que de forma completamente desinteresada ensinaban esta instalación. A elas estámoslles eternamente agradecidos, por facer ese traballo de forma completamente desinteresada. Sabemos que o seguirán a facer, pero nós tiñamos que adoptar algunha fórmula para que isto non sexa habitual”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
