Nas últimas semanas volveron aparecer residuos voluminosos na lugar coñecido como A Grandadouro, unha masa forestal a carón do Instituto de Secundaria, cruzada por varias pistas e situada entre as estradas Ferreira-Foz e Ferreira-Mondoñedo.
Trátase de refugallos de varios tipos (rolos de arame, uralitas, plásticos industriais mobles…), os cales semellan ser restos dunha granxa, xa que hai varias gaiolas de grandes dimensións.
Este feito, que non é a primeira vez que acontece, está a causar preocupación e malestar entre os propietarios das plantacións forestais do lugar, xa que a práctica de botar lixo e residuos no monte é sempre reprobábel, mais se isto acontece en pleno verán, o risco de incendio medra de xeito alarmante, nomeadamente nestes días en que hai madeira recén cortada e tamén biomasa amoreada ao longo das pistas, dispostas para ser cargadas.
A Grandadouro é unha zona de monte baixo, na actualidade dedicada á plantación forestal e en menor medida ao pastoreo, hai meses, dende o BNG xa denunciamos o amoreamento de grandes residuos, mesmo obstruíndo as pistas forestais. Daquela diriximos unha comunicación urxente ao Concello de Alfoz e os restos foron retirados, mais non se traballou na prevención e concienciación como pediamos dende o BNG. Considerábamos daquela igual que hoxe, que é o Concello quen debe facer un labor pedagóxico e informar do grave e prexudicial que pode resultar a práctica de abandonar o lixo no monte, do mesmo xeito debe fomentar (con bandos, a través da web municipal…) o uso do Punto Limpo que Alfoz comparte con Ferreira.
O Concello debe en primeiro lugar xestionar a retirada dos refugallos, e en segundo lugar aplicar as estratexias de concienciación e prevención das que vimos de falar, pero tamén controlar esporádicamente esta e outras zonas boscosas para evitar a acumulación de refugallos, nomeadamente na tempada estival polo perigo de incendio.
Do mesmo xeito, se hai maneira de coñecer os autores destes despropósitos, ao Concello non lle debe tremer a man á hora de denunciar, xa que facer a vista gorda non supón unha actitude benevolente senón un prexuício para a poboación en xeral, ao deixar actuar os desaprensivos que contaminan e poñen en perigo unha das principais fontes de riqueza de Alfoz, o monte.
ASEMBLEA LOCAL DO BNG
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
