O Presidente da Deputación, José Ramón Gómez Besteiro, o director comercial do Grupo El Progreso, José María Álvarez Vilabrille, o delegado na Mariña de dito medio de comunicación, Pablo Villapol, e o Alcalde de Barreiros, Afonso Fuente Parga; presentaron este venres a quinta edición da Festa do Marisco. Trátase da cita que organiza El Progreso durante a época estival nun municipio da Costa para potenciar os produtos pesqueiras, e coa que colabora o organismo provincial dende a súa orixe, no 2010. É de carácter rotatorio, pois cada ano ten lugar nun Concello mariñá. Logo da súa celebración en Burela, Cervo e Foz, este ano recae en Barreiros. O éxito acadado nas pasadas convocatorias, coa participación de máis de 4.000 persoas no 2014, supuxo a súa ampliación, sendo dous días de festa nesta ocasión, os vindeiros 16 e 17 de agosto, cando, anteriormente, sempre foi un.
Gómez Besteiro salientou que “por quinto ano consecutivo, colaboramos con esta festa, un clásico e referente na provincia. Facémolo porque compartimos a súa finalidade: promocionar os produtos pesqueiros da Mariña, unha das mellores materias prima que temos na provincia pola súa calidade, que xeran riqueza e emprego. Do mesmo xeito, apostamos por esta cita xa que contribúe a unificar a nosa Mariña. Ademais, facémolo durante o verán, aproveitando a visita de centos de persoas. A Festa do Marisco é unhas das máis de 50 actividades, que teñen lugar por toda a provincia, coas que colabora a Deputación. Por exemplo, PRODUART, que hoxe arranca en Burela, a Festa do Percebe, que mañá comeza en Ribadeo, o Mercado Medieval de Mondoñedo ou a Festa do Berberecho de Foz, entre outras. Só a través do Plan Estratéxico de Subvencións achegamos este ano 3,6 millóns de euros en impulso destas citas e de sectores produtivos como a pesca. De feito, mediante esta partida, prestamos colaboración económica a todas as confrarías de pescadores da provincia, sendo a única Deputación en Galicia que o fai”.
Con anterioridade, o organismo provincial só colaboraba coa confraría de pescadores do Vicedo. O actual Goberno Provincial ampliou estas axudas, convertendo a de Lugo na única Deputación galega que colabora coa totalidade das confrarías existentes na súa costa. Trátanse das seguintes: Confraría de Pescadores do Vicedo; Confraría de Pescadores Santiago Apóstol de Celeiro; Confraría de San María do Campo de Ribadeo; Confraría de Pescadores de Burela; Confraría de Pescadores de San Ciprián; Agrupación de Mariscadores de San Cosme de Barreiros e Confraría de Pescadores de Foz.
Racións
A vila de Barreiros acollerá a Festa do Marisco o 16 de agosto, de 12:00 a 24:00 horas; e o 17 de agosto, de 12:00 a 16:00 horas. Será na zona centro das praias do municipio, na explanada situada enfronte da Praia do Coto. Poderanse degustar centolos, bois de mar, nécoras, cegalas e mexillóns. Os interesados poderán levar as racións para saborealas onde prefiran. O prezo para dúas persoas é de 25 euros e de 22 euros no caso de adquirir os tíckets con antelación. Pódese facer nas oficinas de El Progreso en Lugo, Burela, Ribadeo ou Viveiro; nas oficinas de Turismo de Barreiros e no restaurante Palacio de Cristal de Burela.
Catro xornadas exitosas
A Festa do Marisco naceu no ano 2010, da man do Grupo El Progreso, para potenciar os produtos da costa lucense nunha xornada durante a época estival e de carácter rotatorio. Un Concello da Mariña acóllea cada ano. O Porto de Burela inaugurou, hai cinco anos, esta cita que, logo de pasar pola Praza do Campo de San Cibrao e o Paseo da Ribeira en Foz; reuniu, na pasada convocatoria nos Xardíns Noriega Varela de Viveiro, a mais de 4.000 persoas, vendéndose preto de 2.000 racións, o que significa que se comeron preto de 4.000 nécoras.
Colaboración múltiple
A cita gastronómica está organizada por El Progreso, coa colaboración de institucións e empresas: Deputación de Lugo, Concello de Barreiras, o Hotel Palacio de Cristal, Cetárea Burela, Distribucións Carreiras, Logaidea Comunicación, a Xunta de Galicia, Carpas Carboeira, Construcións Os Molineros, Construcións e Canalizacións Saa e BMW Lugauto.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
