Foz, 1 de agosto de 2014. O alcalde, Javier Jorge Castiñeira, realiza un balance moi positivo do mes de xullo en Foz, xa que a ocupación chegou a máximos que nunca antes se rexistraran. E destaca a intensa axenda de actividades culturais e deportivas que se desenvolveron durante estes trinta e un días. As expectativas para agosto tamén son moi boas.
O rexedor realizou unha valoración “moi boa do que foi xullo en Foz: un mes moi activo, de moitas actividades e eventos, un mes que discorreu con absoluta normalidade. Desde o primeiro ata o último día tivemos infinidade de actividades e de movemento por parte das asociacións, houbo moitas festas e todo saíu moi ben”.
Castiñeira indicou que “a ocupación do pobo estivo ao máximo, coma nunca tivo este concello. Nisto inflúen moitas cousas coma as novas conexións por autovía que temos, tanto cara Asturias coma cara a Meseta e Lugo. Son un canal importante para o verán de Foz, para os pobos do centro da Mariña, que se ven moi ben comunicados”.
Sobre as expectativas para o recén estreado mes de agosto o alcalde declarou que “son mellores incluso. Empezamos cunha fin de semana chea de eventos, hai festas en tres barrios ou parroquias do noso concello: Fondás, temos tamén a festa anual dos veciños de Vilaxoane e festa en Nois. Hai varios eventos deportivos coma o bautismo náutico, unha iniciativa nova na Mariña coa que os rapaces poderán gozar dun día en moto náutica gratis; temos unha concentración de caravanas na Volta a Galicia, que fai a súa parada en Foz, nun dos puntos máis importantes da comunidade, segundo os propios caravanistas; hai dúas exposicións no Cenima, …”.
Javier Castiñeira dixo que “estamos contentos de que isto siga así, de que o verán de Foz siga a ser unha referencia. E queremos darlles as grazas a todos os que participan, tanto comisións de festas como asociacións e organizacións que fan posible que o noso concello sexa moi activo, rexistre moito movemento”.
O alcalde tamén aludiu “ao encontro de corais galaico-astur, organizado pola Coral de Foz, que será mañá ás 19:30 horas. Atrae a moita xente e conta cunha grande calidade musical. Agardamos vervos a todos na Sala Bahía de Foz acompañando aos nosos amigos da Coral de Foz, que un ano máis seguen mantendo este encontro como referencia das corais no noso concello e na Mariña. Moita sorte para todos eles e animarvos a todos a participar nesta cita”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
