CERVO, 1 DE AGOSTO. Tralo pleno ordinario celebrado na tarde de onte, os socialistas de Cervo destacan que “os membros do PP acabaron poñéndose colorados e recoñecendo que perderon cerca de 200.000 euros que xa tiñan concedidos de fondos europeos para realizar as obras dos accesos ó Polígono de Cuíña”.
Dende o Grupo Municipal Socialista lembráronlles que “esta obra estaba proxectada e adxudicada en setembro de 2004 co cal tiña que estar finalizada en marzo de 2005. Cando entra o PSOE na Deputación Provincial, en xullo de 2007, non había nada feito, salvo uns terreos expropiados. O prazo de execución, incluida a prórroga, tiña rematado. O Partido Popular de Cervo non foi quen de levar adiante este proxecto e agora pretenden liberarse da súa irresponsabilidade”.
Neste mesmo senso, os socialistas subliñan que “non poden culpar á Deputación de Lugo da inoperancia que lles corresponde a eles. O organismo provincial financiaba xunto con outras administracións públicas a totalidade da obra, o que realmente aportaba era un 20% do total”.
A falta de disposición e a deixadez do equipo de goberno foron as causantes de que “se perdera o conseguido ata o momento. Aínda así, a Deputación de Lugo nunca lle cerrou as portas ó Concello de Cervo. A última vez que pediron axuda para lograr de novo financiamento por parte da Xunta de Galicia, o responsable de vías e obras da administración provincial non dubidou en poñer á súa disposición os terreos que estaban expropiados para facilitar calquera trámite”.
Entre tódalas administracións
Asimesmo, coa mesma intención que a Deputación e para garantir a colaboración e sinerxia entre administracións, o GMS acabou por presentar unha emenda á moción do PP na que “solicitamos que os gobernos estatais, autonómicos e provinciais, Goberno Central, Xunta de Galicia e Deputación Provincial, retomen o iniciado naquel momento e volvan a financiar entre todos o proxecto que se tiña iniciado”.
Agardan que o goberno cervense recapacite, recoñeza o seu erro e busque desta maneira vías de financiación polo ben común, “queremos que se retome o proxecto inicial onde a colaboración das distintas administracións o facían posible. O que temos moi claro é que o que menos lle interesa a este goberno son os accesos ó polígono, pois así o demostraron perdendo tal oportunidade. A día de hoxe están obsesionados con enfrontarse co único organismo que non goberna o seu partido e esquécense de que o que verdadeiramente teñen que facer é velar polos intereses dos veciños do seu Concello”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
