Cando fai unas semanas os populares de Mondoñedo denunciabamos a situación do aparcadoiro dos xulgados, outro espazo no que o alcalde permite que creza sen control a maleza e toda clase de herbas e arbustos, o rexedor nacionalista, visiblemente molesto, porque deixábamos en evidencia a situación de abandono na que mantén innumerables espazos públicos, aconsellábamos preocuparnos “máis polos xulgados e menos polas herbas”
Hoxe, cando os mindonienses temos unha razón máis para felicitarnos, como é a confirmación de que a reforma do mapa xudicial blinda a continuidade dos xulgados de Mondoñedo e o mantemento do seu partido xudicial, un motivo de especial satisfacción para a nosa localidade, demóstrase que deron froito todas as xestións que desde fai meses, en silencio pero con determinación e tras coñecerse os primeiros compases do anteproxecto de reforma xudicial impulsamos os populares.
Desde o PP traballamos a todos os niveis para dar a coñecer a importancia do mantemento das sedes xudiciais. Para explicar por que Mondoñedo necesita contar co seu xulgado. Dirixíndonos ao propio Gallardón e impulsamos distintas iniciativas e unimos forzas coas xestións que se promovían desde o Goberno galego para que se tiveran en conta a singularidade de Galicia. E hoxe podemos dicir que conseguímolo.
Mentres, continuamos á espera de que o alcalde faga os seus deberes: Nin se preocupou polos xulgados, con xestións reais, nin polas herbas. Orlando González, á quen tanto lle gusta facer declaracións grandilocuentes non é capaz de dar a talla á hora de resolver os problemas máis simples, pero sufre unha incontinencia imprudente á hora de poñer deberes aos demais. No entanto, os veciños de Mondoñedo sufrimos unha situación de abandono total por parte do Concello, síntoma do esgotamento dun proxecto, que se derruba cada día que pasa.
O bipartito mindoniense e, moi en especial, a figura do seu alcalde, capitanea un Concello sen rumbo, sen iniciativa, sen capacidade de afrontar retos ou achegar investimentos en beneficio dos seus veciños. Sufrimos un alcalde que perde a forza pola boca pero que, á hora da verdade, nin é resolutivo, nin se preocupa polo seu pobo. En Mondoñedo, se fora por Orlando González o único que crecen son as herbas, metáfora viva, dun proxecto político en decadencia.
Carta aberta do Comité Executivo do PP de Mondoñedo e Elena Candia
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
