A Vicepresidenta Segunda, Lara Méndez, estivo este xoves en Viveiro para renovar a sinatura do convenio anual que a institución provincial mantén con todas as cofradías de pescadores e asociacións de mariscadoras da provincia, e co que 21.000 euros. As axudas, de 3.000 euros, supoñen un importante apoio e impulso para o desenvolvemento da súa actividade.
No acto de sinatura, que contou coa presenza da Alcaldesa de Viveiro, María Loureiro; tomaron parte todos os representantes do sector: Javier Sánchez; Juan José Lestegás; Domingo Rey; José Basilio Otero e María Faustina Solloso, presidentes das cofradías de San Cibrao, Foz, Celeiro e Burela e O Vicedo, respectivamente, xunto con Isabel Fernández Armesto, Presidenta da Asociación de Mariscadoras de San Cosme de Barreiros, os que quixeron agradecer á Deputación a renovación destas axudas.
Méndez subliñou que “un ano máis, a Deputación renova o seu apoio ó sector pesqueiro e marisqueiro da provincia sen matices: todas as cofradías e asociacións marisqueiras reciben a mesma axuda”. A Vicepresidenta quixo destacar o papel do mar na economía luguesa, “un destacado piar da economía da Mariña e de toda a provincia”. Nesta liña, destacou que o sector pesqueiro “xera na nosa provincia, só de xeito directo, máis de 1.600 postos de traballo”, segundo os datos de afiliación da Seguridade Social do mes de xullo, “e ofrece innumerables posibilidades de aumentar volume de negocio e postos de traballo, como por exemplo a elaboración e comercialización de novos produtos a través de novas canles de mercado; proxectos que permitan a innovación das industrias transformadoras, etc.”.
A Vicepresidenta tamén quixo reivindicar a actividade do marisqueo na Mariña que, malia que nos últimos anos ten sufrido un importante retroceso, nos que os “pérmex” –permisos de marisqueo-, reducíronse nun 40%, “pode, e ten, que recuperar o peso perdido”.
Pola súa banda, María Loureiro agradeceu a axuda da Deputación, salientando a súa importancia, especialmente no caso do sector pesqueiro, “que tantos postos de traballo xera na Comarca”.
Outras axudas
Este convenio que Deputación e os profesionais do mar asinan cada ano non é a única mostra da aposta dos responsables do organismo provincial lugués polo sector, xa que a estes 21.000 euros hai que sumar outro tipo de colaboracións económicas para, por exemplo, a promoción dos produtos do mar, como os máis de 8.000 euros en axudas directas para a organización de eventos como a Feira Produart ou a Festa do Berberecho de Foz. Este tipo de eventos, segundo destacou Méndez “contribuír con este tipo de eventos é contribuír a dar a coñecer, entre lucenses e visitantes, os produtos de calidade e o bo facer dos profesionais do mar da nosa provincia”
Innovación do sector
Outra das iniciativas da Deputación de Lugo encamiñadas ó impulso e modernización do sector é o convenio de 30.000 euros, asinado coa Universidade de Santiago de Compostela, para poñer en marcha, o pasado mes de xaneiro, dun proxecto de investigación pioneiro que permitirá obter novos derivados do bonito e a da pescada, ofrecendo alternativas laborais e incrementando o volume de negocio destes produtos. Rematada xa a fase de investigación, e unha vez analizados os resultados, o proxecto continuará coa celebración de obradoiros gratuítos para desempregados, que se impartirán en Burela e Viveiro, e nos que os participantes recibirán coñecementos prácticos necesarios para a súa inserción laboral nas novas actividades nacidas desta investigación.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
