Foz, 14 de agosto de 2014. Durante toda esta xornada continuarán os traballos de reparación da rotura que se producía esta mañá na rede xeral do abastecemento de auga de Foz. Ocorreu na confluencia da rúa Álvaro Cunqueiro coa Avenida da Mariña. O alcalde, Javier Castiñeira, pide desculpas polas molestias que se puidesen ocasionar aos veciños.
O rexedor explicou que “na mañá de hoxe debido sobre todo a unha sobrecarga de auga na rede xeral do núcleo urbano de Foz, houbo unha rotura na rede que leva a auga cara ao depósito central do concello. Esta rotura provocou un pequeno corte no subministro a primeira hora da mañá, no núcleo urbano. Conseguiuse restaurar o abastecemento, aínda que si é certo que as obras de reparación van seguir durante todo o día, xa que se trata dunha reparación grande na parte central da canalización”.
Castiñeira pide “desculpas sobre todo aos veciños que hai no centro polas molestias que lles puido ocasionar o corte, aínda que a auga estivo restablecida xa dende media hora practicamente despois de ter lugar o suceso. Seguiremos traballando un día ou dous para rematar con esta reparación da rede e da propia beirarrúa que quedou bastante danada. Foi na zona comercial na confluencia de Álvaro Cunqueiro coa Avenida da Mariña, na Glorieta de Vilalba, onde alarmou bastante”.
O alcalde focense dixo: “isto significa que o pobo está a tope e que o subministro de auga está funcionando a máximos, polo que estas cousas poden suceder. Novamente, pedir desculpas por calquera molestia que puido haber e recordar que a empresa está traballando a tope reparar totalmente a avaría e os danos causados o antes posible”.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
