O Museo do Mar de San Cibrao contará con Kike J. Díaz este venres 15 de agosto pola mañá, de 11.30 horas a 13.30 horas impartindo un obradoiro de cómic ós rapaces que asisten ás actividades de verán que se veñen desenvolvendo no Museo do Mar.
Este mesmo día ás 19.30 horas presentará a súa novela gráfica “Nordés”, unha obra que nos achega á vida e ó mundo do Marqués de Sargadelos, unha figura clave para entender a historia da Mariña de Lugo. Estades todos convidados a asistir a este acto, no que o autor asinará exemplares da novela a quen o desexe. A entrada é libre e gratuita.
Nordés_Sinopse da obra
Dous mundos paralelos, dúas conexións entre o pasado e o noso presente. A realidade mestúrase coa ficción ou simplemente todo é verdade ou todo é mentira.
Dúas épocas inspiradas en Ribadeo: a primeira no século XVIII, o seu protagonista é o Marqués de Sargadelos e as turbias relacións que mantén, xa na cúspide da súa carreira empresarial, coa nobreza e o clero; e a segunda, en conexión coa anterior, onde Brandán, unha misteriosa personaxe que pasou a súa infancia en Ribadeo, volve á vila atraído por unha serie de sucesos que traen consigo a morte tráxica de varias persoas, que acontecen, curiosamente, cando sopra o vento do Nordés.
Biografía de Kike J. Díaz
Kike J. Díaz nace na localidade de Villablino (León) á idade de 0 anos, un 23 de novembro de 1985. Alí aprende as tareas básicas como comer, respirar e debuxar todo o que pasa pola súa pequena cabeza. Á idade de 15 anos é transportado á localidade de Ribadeo onde continúa formándose como persoa e debuxante á par que descobre novos mundos da man dos cómics.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
