Resulta sorprendente a negativa ao diálogo expresada polas forzas políticas da esquerda á hora de afrontar o debate sobre a elección directa dos alcaldes. Estraña tanta oposición ante unha reforma que nin tan sequera está presentada formalmente e respecto da que o PP non propuxo unha fórmula concreta, precisamente como elemento que demostra unha total disposición ao diálogo.
Estamos abertos a un debate que pretende ser serio, rigoroso, exento de demagoxia, sen liñas vermellas e sen fórmulas pechadas. Sentarse entorno a unha mesa, intercambiar opinións e falar é unha obriga dos representantes políticos. As mesmas formacións que presumen de democracia terán moi difícil explicar a súa negativa a atopar espazos de consenso cara a reforma electoral, situándose nunha posición de inmobilismo que os distancie aínda máis da sociedade.
Ningún partido debera ter medo ao diálogo. Non podemos entender que partidos coma o PSOE, que levaba no seu programa electoral que os alcaldes sexan elixidos polo pobo -directamente-, agora sexan os primeiros en negarse a debater sobre posibles fórmulas para facelo realidade. Non podemos comprender que o que antes valía ata o punto de incorporalo aos seus programas hoxe non sirva, nin poida nin tan sequera consensuarse.
Convidamos ás forzas políticas a escoitar á cidadanía. A nosa iniciativa se fundamenta en algo tan sinxelo como escoller que é mellor: un alcalde elixido co respaldo dos seus veciños ou outro que é nomeado nos despachos. A elección directa dos alcaldes dá resposta a unha demanda social que esixe reforzar a vontade cidadá nas urnas, en de vez favorecer a negociación post-electoral nos despachos.
Os cidadáns están demandando maioritariamente que fagamos reformas no ámbito electoral porque consideran que non están ben representados. E a elección directa dos alcaldes apunta nesta dirección. Chegou o momento de dicir alto e claro que é preciso que prime a vontade do conxunto dos cidadáns en beneficio da rexeneración política, fronte aos obxectivos cortoplacistas de determinados partidos políticos do ámbito da esquerda.
Queremos que goberne o que gañe e temos a sensación de que outros partidos queren que mande aquel que perde. Necesitamos diálogo para dar más importancia ao que voten os cidadáns. Os cidadáns teñen que saber que o seu voto decide. Estamos obrigados a desterrar posturas intransixentes e amosarnos abertos a negociar. Falemos sobre como mellorar a nosa democracia. Falemos sobre como achegar a política ao cidadán e dicirlles que o seu voto conta.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
