O vindeiro martes 9 de setembro ás 20.00 horas o Salón de Actos da Casa da Cultura “Manuel Lourenzo” de Ferreira do Valadouro acollerá a entrega a Pilar Fernández (Tesoureira da Sociedade “Hijos del Valle de Oro en La Habana”) dunha placa do Seminario de Estudos do Valadouro (SEVA) en agradecemento para dita sociedade polos moitos beneficios culturais que proporcionou a todo o Val (Alfoz e O Valadouro) dende que se constituíu, especialmente nos anos difíciles, cando a educación non era un ben xeral e moitos rapaces do Val non tiñan escolas para recibir a ensinanza básica.
De feito, moitos dos locais escolares que aínda quedan en diversas parroquias de Alfoz e O Valadouro (entre elas o local que agora ocupa o SEVA na parroquia de Adelán) foron construídos por “Hijos del Valle de Oro en la Habana”.
O SEVA faise eco dun sentir xeral de agradecemento en todo o Val cara a estes emigrantes valecos que non esqueceron a súa terra nin ós seus veciños. Pilar Fernández pasou uns meses entre nós, nas terras de orixe da súa familia, e ata foi a pregoeira deste ano 2014 no Mercado Medieval de Alfoz, e volta para Cuba o vindeiro día 13 de setembro. Ó acto agárdase que acudan os Alcaldes dos dous concellos implicados, Alfoz e O Valadouro e será un acto aberto a todos os veciños e persoas interesadas.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.