A Plataforma na Defensa da Sanidade Pública da Mariña constatou a degradación da calidade asistencial durante a tempada de verán pola falta de substitución das baixas de persoal por vacacións, que non chegou ao 50% das necesidades, provocando saturación no traballo do persoal sanitario en activo e a rebaixa na calidade dos servizos prestados. Ante esta situación o SERGAS, lonxe de contratar persoal de substitución, opta por seguir adiante co seu programa de recortes co discurso perverso de converter en melloras o que son recortes, agora coa perda dunha praza médica en Riotorto despois de ter suprimido tres en Cervo, Xove e Ribadeo.
A Plataforma puxo de relevo, nunha reunión mantida o mércores 3 de setembro, a perda de calidade asistencial durante os meses de verán pola non substitución de persoal en vacacións, que segundo os datos recollidos non chegou ao 50%, obrigando ao persoal en activo a cubrir as carencias no cadro de persoal. Como exemplo poñen o centro de saúde de Ribadeo onde tres persoas cubriron o traballo de sete co que se fai imposíbel manter a calidade asistencial e moito menos nun concello onde a poboación multiplicase nesta tempada.
Igualmente critican a supresión dunha praza médica en Riotorto cun discurso por parte do SERGAS perverso e repetido ao xa coñecido en centros de saúde de Cervo, Xove ou Ribadeo; onde despois de suprimir prazas afirmaban que esas perdas melloraban a calidade asistencial, obviando que a asistencia sanitaria en primaria non se circunscribe unicamente ao centro sanitario senón que debe atender a persoas prestando servizos a domicilio. A Plataforma alertou da posibilidade de que situacións como as de Cervo, Xove, Ribadeo e Riotorto se podan repetir nos próximos meses noutros concellos da comarca polo que chamaron á poboación a estar alerta e mobilizarse no caso de producírense novos casos.
A Plataforma continuará coas súas denuncias a pesar dos intentos do PP por silenciala con sancións económicas que conseguiron rebaixar despois de varios recursos de 3.000 a 1.500 euros.
Na xuntanza tamén se deu conta do pago dunha sanción económica de 1.500 euros imposta pola Sub-delegación do Goberno español en Lugo despois da mobilización convocada o 2 de marzo de marzo de 2012 en Burela. Agradeceron o apoio cidadán na campaña “PARA QUE NON NOS CALEN” que buscaba financiamento para asumir esta sanción que inicialmente era de 3.000 euros e despois de sucesivos recursos administrativos foi rebaixada a 1.500.
Desde a Plataforma manteñen que as reivindicacións expostas desde o seu nacemento en 2009 seguen estando vixentes e mesmo acrecentadas xa que o servizo lonxe de mellorar, empeorou. Acusan ao Partido Popular de usar todas as ferramentas ao seu alcance para intentar calar as denuncias públicas feitas durante estes anos, ferramentas represoras como o desproporcionado despregue de antidisturbios do 2 de marzo de 2012 ou sancións económicas que non van frear o traballo que asumimos voluntaria e desinteresadamente fai cinco anos.
O anuncio feito por Feijóo sobre a ampliación do Hospital da Costa: máis burocracia e palabras baleiras de contido mentres a sanidade pública da comarca se esborralla.
A Plataforma na defensa da Sanidade Pública da Mariña considera que o anuncio feito por Feijoo en relación coa “inminente ampliación” do Hospital da Costa é “unha nova cortina de fume e palabras baleiras de contido ante a proximidade da contenda electoral” para así intentar “acalar as protestas cidadás ante as agresivas políticas sanitarias aplicadas polo PP co silencio cómplice dos dirixentes populares da Mariña” que se traducen en “recortes, re-pagamentos, privatizacións, perda de competencias, amortización de prazas de persoal da saúde e unha diminución da calidade asistencial para beneficiar á medicina privada e ao gran capital”.
Para a Plataforma “levamos cerca dunha ducia de anuncios nos últimos anos en relación co Hospital da Costa e a súa ampliación sen que houbera nen un só avance real nos servizos que se prestan, nun hospital con case 30 anos de vida con falta de espazo, persoal, recursos económicos así como unidades de hospitalización e servizos deteriorados polo paso do tempo e a falta de mantemento e investimento real que levou consigo derrubamentos de teitos nas consultas, gretas nas paredes, consultas externas en barracóns de obra ou o recente levantamento dos chans da área cirúrxica que obrigou a pechar a metade dos quirófanos ao non cumprir as normas de seguridade laboral esixibles”.
Dende esta Plataforma “queremos lembrar que redactar un Plan Director é simplemente elaborar un estudo das necesidades do Hospital e para nada garante a adxudicación e inicio das obras”.
Para a Plataforma na Defensa da Sanidade dá Mariña “resulta insultante e unha falta de respecto aos mariñaos e mariñás o anuncio da ampliación inminente do centro hospitalario e o único anuncio que esiximos e aceptaremos é unha partida económica real e executable que se reflictan nos presupostos de 2015 da Xunta da Galiza para facer as obras e ampliar o Hospital da Costa”.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
