O barrio da parroquia focega de San Martiño, por ubicarse nel a histórica ex-catedral e actual basílica, é o lugar de meirande interese cultural do concello. A historia acumula valores que concitan a atención das xentes e lugares mais ou menos inéditos convértense en cita para milleiros de visitantes atraídos polas pegadas no currículo dunha existencia que, no caso que nos ocupa, cífrase en preto de vinte séculos, dende a era do pre-románico, do que o cenobio é exemplar único. Tampouco se libran de agresións, unhas da propia natureza e outras por actuacións privadas ou institucionais, como a perpetrada poucos anos hai que contou co beneplácito, e aínda a defensa, dos munícipes locais, a propósito de certas obras realizadas no seu entorno, rachando con toda harmonía estética e ambiental utilizando materiais disonantes coa construcción orixinal que dera lugar a que fose declarado monumento nacional, e de cuxas pedras, Alvaro Cunqueiro dixera que “parecen labradas por mans imposibles”. Pretiño do cenobio, en paraxe de bucólica beleza a carón do río Centiño, ten o obradoiro o artista plástico Caxigueiro, onde por iniciativa propia, acaba de abrir ó público un fermoso xardín botánico de uns 3.500 m2 que destaca pola colección de camelias, formada por mais dun cento de variedades, así como abundante flora autóctona e curiosas especies exóticas O percorrido polo Espazo Caritel permite acceder ó edificio, obra do arquitecto Xosé D. Moscoso, con dúas salas para exposicións. O artista ten participado en numerosas mostras, individuais e colectivas; polifacético que domina variados medios de expresión: cerámica, escultura, fotografía, poesía… Presente en importantes certames de cidades galegas así como en Lisboa, Valencia, Madrid, Zaragoza, o seu traballo forma parte das mais prestixosas coleccións de Galicia: CGAC, Abanca, Unión FENOSA…..Sen dúbida que a iniciativa de Caxigueiro vai resultar exitosa porque aporta, a través da arte plástica e a natureza, alicerce que complementa a visita dese baluarte da Historia e da Cultura que é a Igrexa de San Martiño de Mondoñedo.
Suso Fernández
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
