Ribadeo, 22 de abril de 2026. Ribadeo recibiu esta tarde unha doazón da familia da poeta local Luz Pozo Garza. Trátase dun piano e dun retrato, que xa están instalados na Aula Nª 4 da Escola Municipal de Música e Danza de Ribadeo.
Gonzalo Vázquez Pozo fixo entrega do piano, que ten 123 anos, tal e como el lles explicou aos nenos e ao público asistente. No acto deu lectura a un poema da súa nai titulado Ribadeo, Ribadeo. Antes tomou a palabra a concelleira de Cultura, Begoña Sanjurjo, que agradeceu a doazón da filla predilecta de Ribadeo, e leu un extracto dun artigo de Lois Celeiro do libro Andares. Deste xeito se homenaxeou a Luz Pozo no cabodano do seu pasamento e nas vésperas do Día do Libro. O alcalde, Dani Vega, achegou aos nenos e nenas á figura de Luz Pozo Garza e contou como se fraguou esta doazón. O rexedor tivo palabras de agradecemento para González Vázquez Pozo pola súa xenerosidade e para Toni Deaño pola súa axuda. E a concelleira de Cultura agradeceu “a Hugo e a Martín a implicación para transcribir e interpretar o vals composto por Luz Pozo Garza co que rematou o acto desta tarde”.
O piano da poeta ribadense soou hoxe na Escola Municipal de Música e Danza de Ribadeo.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
