Os senadores consideran “clave” as infraestruturas para contribuír a mellorar a operatividade do servizo, optimizar os tempos de resposta e reforzar a atención dos veciños da Terra Chá
Vilalba, 22 de abril de 2026. Os senadores do PP por Lugo –José Manuel Barreiro, José Manuel Balseiro e Juan Serrano- levan á Cámara Alta unha iniciativa a petición do PP de Vilalba para instar ao Goberno de Sánchez, dende a Comisión de Interior, a cumprir o compromiso adquirido no 2020 para a construción dun novo cuartel da Garda Civil na localidade.
Nese momento, o Executivo anunciaba un investimento de 2,8M€; pero os populares piden garantir a dotación orzamentaria que sexa necesaria para a súa execución. Tamén solicitan informar do estado de tramitación do proxecto e facer públicos os prazos definidos para a redacción, licitación e execución das obras. Así mesmo, esixirán adoptar as medidas necesarias para desbloquear calquera incidencia que teña provocado o atraso acumulado e garantir que as novas instalacións respondan ás necesidades actuais “mellorando as condicións de traballo dos axentes e a calidade do servizo prestado á cidadanía”.
Os populares lembran que “transcorridos 5 anos do anuncio, o compromiso non se chegou a materializar”. É máis, ante as preguntas dos senadores, “o Goberno de Sánchez nin ofreceu información pública sobre o estado do proxecto, nin un calendario concreto para a súa execución nin confirmou o mantemento do investimento previsto”.
A falta de avances nunha infraestrutura considerada estratéxica para a seguridade na comarca evidencia a necesidade de adoptar medidas para desbloquear a situación e garantir o cumprimento dos compromisos adquiridos. Polo que os populares, atendendo a unha demanda social e profesional, esixen ao Goberno de España concretar de forma inmediata o estado do proxecto, establecer un calendario de execución e proceder á licitación e construción do novo cuartel da Garda Civil en Vilalba.
SERVIZO ESENCIAL EN TERRITORIOS RURAIS
Os senadores do PP aseguran que “a Garda Civil desempeña unha función esencial na garantía da seguridade cidadá, especialmente en territorios rurais como A Terra Chá, con gran extensión xeográfica e dispersión poboacional”.
Nese sentido, consideran “clave” as infraestruturas porque contribúen a mellorar a operatividade do servizo, optimizar os tempos de resposta e reforzar a atención dos veciños. E engaden que “a mellora das instalacións redunda nas condicións laborais e de benestar dos axentes destinados no cuartel”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
