O programa «Viveiro Mantén», impulsado polo Concello, permitirá actuar en espazos públicos e centros do municipio a través de especialidades vinculadas á xardinería e á pintura
Viveiro, 21 de abril de 2026. O Concello de Viveiro vén de obter unha subvención de 454.552 euros para a posta en marcha do obradoiro dual de emprego «Viveiro Mantén», un programa que permitirá ofrecer formación e unha oportunidade laboral a 20 alumnos-traballadores do municipio durante nove meses. O inicio da formación e das prácticas profesionais está fixado para o 1 de xuño.
O proxecto contará con dúas especialidades formativas: instalación e mantemento de xardíns e zonas verdes e pintura industrial en construción, con dez prazas en cada unha delas. A resolución recolle tamén que o obradoiro permitirá actuar en varios puntos do municipio, entre eles a Escola de Faro, a Escola de San Pedro, o Grupo Escolar de Vieiro, a Escola de Magazos, o Grupo Escolar Calvoso, a Escola de Xunqueira, os xardíns Noriega Varela, a zona verde e deportiva de Lodeiro, a zona verde da Praza de Lugo, os xardíns de Lavandeiras, en Celeiro, e a creación dun parque canino no parque da Xunqueira.
A alcaldesa Mariña Gueimunde destacou a importancia desta concesión e subliñou a aposta do Goberno local por este tipo de iniciativas. «Creo saber que os obradoiros non se convocaban, nin se celebraban, nin se solicitaban desde o ano 2008, e iso é importante e relevante. Esta corporación si aposta polos obradoiros de emprego e por dar oportunidades a quen non ten traballo nin opcións, para que aproveiten esta oportunidade e se formen para ter unha saída laboral», sinalou.
Desde o Goberno local ponse en valor que este programa combina formación e emprego, ao tempo que permite mellorar espazos e equipamentos públicos do municipio. O Concello considera que se trata dunha ferramenta útil para favorecer a inserción laboral, reforzar a capacitación profesional e ofrecer unha oportunidade real a persoas que precisan abrirse camiño no mercado de traballo.
A resolución de concesión establece unha duración de 1.440 horas, cunha subvención distribuída en dúas anualidades, 340.914 euros en 2026 e 113.638 euros en 2027. Do total, 288.664 euros corresponden a gastos salariais derivados dos contratos do alumnado-traballador e 165.888 euros a gastos de formación e funcionamento.
As persoas que desexen optar aos obradoiros de emprego deberán anotarse na Oficina de Emprego. Ademais, deberán cumprir o requisito de ter completada a ESO ou unha titulación equivalente.
Para o executivo municipal, a recuperación deste tipo de programas supón un paso importante na vontade de abrir novas oportunidades de formación e emprego en Viveiro e de seguir impulsando políticas activas que teñan unha repercusión directa na vida da veciñanza.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
