A subdelegada do Goberno e a alcaldesa, Marta Rouco, destacan a colaboración institucional “para garantir tanto a seguridade nos eventos con grande afluencia como para asentar a tranquilidade no día a día da veciñanza”
Vilalba, 21 de abril de 2026. A subdelegada do Goberno en Lugo, Olimpia López, presidiu hoxe en Vilalba, xunto á alcaldesa, Marta Rouco, a Xunta Local de Seguridade convocada co obxectivo de coordinar o dispositivo especial do FIV 2026, un dos eventos musicais que abre a temporada de festivais en Galicia.
Durante a reunión analizouse o operativo previsto para garantir o correcto desenvolvemento do festival, que contará coa participación e coordinación da Garda Civil, o subsector de Tráfico, a Policía Autonómica, a Policía Local e o Parque de Bombeiros de Vilalba. O dispositivo incluirá medidas de prevención, control de accesos, regulación do tráfico e reforzo da vixilancia nos principais espazos de concentración de público, co fin de asegurar que o evento se desenvolva con normalidade e sen incidencias.
Na xuntanza tamén se abordou a situación da seguridade no concello, cunha diminución dos delitos leves rexistrados ou a redución de determinadas tipoloxías delituosas, así como o importante grao de esclarecemento dos feitos denunciados, que evidencia a eficacia do traballo policial.
Ademais, a subdelegada salientou o compromiso do Goberno coa prevención e a sensibilización a través dos plans operativos da Secretaría de Estado de Seguridade. En concreto, destacou o desenvolvemento do Plan Director para a Convivencia e Mellora da Seguridade nos centros educativos, que continúa ampliando a súa actividade en Vilalba con novas charlas solicitadas polos propios centros para o presente curso.
Así mesmo, tamén se deu conta das actuacións enmarcadas no Plan Maior de Seguridade, dirixido á protección das persoas maiores, co obxectivo de previr situacións de risco e mellorar a súa seguridade.
Olimpia López puxo en valor a cooperación entre administracións e o traballo coordinado das forzas e corpos de seguridade como elementos clave para garantir tanto a seguridade dos grandes eventos como a tranquilidade no día a día da cidadanía.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
