Lara Méndez
Vicepresidenta Segunda da Deputación de Lugo
No ano 2003 a Deputación de Lugo, gobernada entón por Francisco Cacharro, e propietaria das fincas de Tor, constitúe coa Consellería de Medio Ambiente, dirixida por José Manuel Barreiro, a Fundación Centro Superior Cinexético e Piscícola de Galicia. Pero o certo é que durante estes anos pouco se soubo das súas funcións e do seu fin. Iso sí, todos somos coñecedores de que está nun contorno privilexiado do Val de Lemos, e destinada –en teoría- á fomentar a conservación e a investigación das especies faunísticas vinculadas á caza e á pesca, e a favorecer a conservación das paisaxes rurais tradicionais e do medio natural.
O que nun principio semellaba ser un proxecto pioneiro non só en Galicia senón tamén en España, pronto se converteu nunha “cortina de fume”, ó igual que acontece con outras dependencias como o Hotel Miño ou o complexo de Augasmestas, que foron xestionadas polo Partido Popular e que, na actualidade, derivaron nas “grandes hipotecas” que herdamos dos nosos antecesores na Deputación, e que agora nos vemos na obriga de subsanar debido a unha escasa e ineficaz xestión.
Cando chegamos ó goberno o que menos sospeitabamos é que ían saltar tres alarmas que puxeron en entredito os obxectivos e os fins de dita Fundación: o anuncio de embargo por parte da Axencia Tributaria, a desforestación progresiva -que transformou a paisaxe barrendo literalmente as árbores sen xustificación- e, finalmente, o estado de absoluto abandono e deixadez das pistas –debido, supostamente, ós danos que produciu a maquinaria pesada coa retirada das árbores que os deixaron totalmente impracticables-. Precisamente, estes viais hoxe en día gozan de bo estado grazas á xestión realizada polo novo Padroado, presidido polo Presidente da Deputación, José Ramón Gómez Besteiro.
Ante esta situación, e contrariamente a como se actuou durante os últimos 25 anos nesta institución, iniciamos a posta en marcha dunha auditoría económica-financiera, medioambiental e patrimonial co obxectivo de esclarecer esta situación anómala, sobre todo porque entendemos que o Centro é un ben patrimonial que temos que preservar e conservar. Neste senso, recopilamos todo tipo de información que foi posta nas mans da Fiscalía para probar que o que eran indicios nun primeiro momento pero, que a día de hoxe, son unha realidade.
Os informes realizados revelan que se produciron numerosas irregularidades. A medida que profundizamos na análise da situación económica detectamos débedas a proveedores que superan os 100.000 euros, multas sen pagar, impagos a empresas locais, contratos de moi difícil xustificación, o pago dunha factura correspondente ó coche da muller do anterior xerente, etc. Pero, por se fose pouco, constatamos que tres patronos viaxaron ás cidades africanas de Johannesburgo, Namibia e Tanzania, o que supuxo un custe aproximado para a Fundación de 20.000 euros. Por outra banda, a madeira vendida ó longo destes anos na finca de Tor ascendeu a 725.000 euros, que sumados ós 288.000 euros do custe dos danos nas pistas forestais, froito do paso da maquinaria pesada para a recollida da madeira, dan conta do “grande fiasco” do Partido Popular.
Ademais de actuar diante a Axencia Tributaria, Rexistro de Propiedade, alimentar ós animais- que estaban en condicións pésimas-… a Deputación saldou a día de hoxe as súas débedas coa Fundación e só falta o pago da Xunta de Galicia, que non realizou ningunha aportación desde 2005. Se algo temos claro é que hai asuntos de máxima urxencia que esixen actuacións igual de áxiles. Temos unha intención clara: chegar ó final deste entramado, xa que a nosa preocupación só é manter inalterado o patrimonio que cedeu a Deputación no seu momento e que lle pertence a cada un dos habitantes desta provincia. Porque Tor non é unha finca privada, Tor é de todos.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
