Situado a 5 quilómetros de Foz e a uns metros da Basílica de San Martiño de Mondoñedo -xoia do Románico declarada Monumento Nacional-, Espazo Caritel é unha iniciativa do artista plástico Caxigueiro que xira arredor da arte e a natureza a través da que pretende difundir a súa obra e a posibilidade dun desenvolvemento sostible da contorna.
O itinerario visitable conta cun edificio, obra do arquitecto Xosé Moscoso, que alberga unha sala cun dobre espazo destinado a exposicións temporais. Tamén se pode visitar o xardín de 3.500 metros cadrados e notable valor botánico. Abunda a flora autóctona que contrasta con especies pouco frecuentes nestas latitudes.
A obra de Caxigueiro reflexiona sobre cuestións que condicionan o desenvolvemento vital, tanto individual coma colectivo. Interesado polas instalacións tamén emprega outras disciplinas coma a escultura ou a fotografía. Ten participado en numerosas exposicións individuais e colectivas na Cidade da Cultura de Santiago, no Museo do Azulejo en Lisboa, no Museo Nacional de Cerámica en Valencia ou en feiras de arte contemporánea. A súa colección forma parte de prestixiosas coleccións de Galicia (CGAC, Abanca, Unión Fenosa, etc).
Horario
De martes a sábado de 11.00 a 14.00 e de 16.00 a 20.00 horas, mentres que os domingos permanecerá aberto ó público só en horario de mañá. O prezo da entrada é de 3 euros para os adultos ou 2 para os nenos, estudantes, pensionistas e grupos (cun mínimo de 10 persoas).
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
