A conselleira de Medio Ambiente, Territorio e Infraestruturas, Ethel Vázquez, comprobou este martes sobre o terreo a reactivación das obras da Vía de Altas Prestacións (VAP) que a Xunta está a executar entre Celeiro e San Cibrao.
O Goberno galego realiza un investimento económico de 54 millóns de euros para facer realidade preto de 8 km (7,9), que poderán estar en servizo no primeiro trimestre do ano 2016.
Esta vía será unha alternativa segura á actual Ferrol-Límite de provincia-San Cibrao (LU-862) para todos os condutores e permitirá retirar a maior parte do tráfico pesado que circula por esta estrada, debido ao seu potencial industrial. Cómpre ter en conta a existencia do porto de San Cibrao, de interese xeral do Estado, e a fábrica de Alcoa que xera importantes tráficos tanto de turismos como de camións.
Ethel Vázquez explicou que “grazas a esta nova estrada veremos como estes camións deixarán de cruzar polo casco urbano de Xove, ademais de reducir o tempo de percorrido a case a metade e, o que é máis importante, con melloras na seguridade viaria dos condutores e, sobre todo, dos veciños desta vila”. Así, precisou que “esta nova infraestrutura eliminará das rúas de Xove máis de 4.000 vehículos ao día e preto de 200.000 camións cada ano” .
Trátase dunha infraestrutura que segundo a responsable de Medio Ambiente “optimizará as comunicacións por estrada na Costa de Lugo para facelas máis cómodas e seguras, e mellorará a competitividade económica da zona”.
A execución destas infraestruturas está enmarcada na política do Goberno galego no que se refire a infraestruturas viarias, que se centra na priorización de obras en marcha e de rendibilidade económica e social, conservación de estradas, mellora da seguridade viaria e da mobilidade sostible.
A titular de Territorio indicou que “o avance neste proxecto tamén responde á aposta deste Goberno polas estradas da provincia de Lugo e da Mariña Lucense”. Neste sentido, puxo como exemplo “actuacións en marcha como o acceso ao Porto de Burela, recentemente adxudicado, e que tamén redundará na comodidade dos usuarios ao permitir distribuír os tráficos que van ao porto”. As obras desta actuación, que supón un investimento de 7 millóns de euros, comezarán nas vindeiras semanas.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
