“Blindar os vosos postos de traballo e dereitos laborais, mantendo 40 empregos estables e de calidade; e mellorar as vosas condicións salariais e sociais”. Así resumiu o Presidente da Deputación de Lugo, José Ramón Gómez Besteiro, os novos contratos de limpeza de todas as dependencias do organismo provincial que foron asinados hoxe e que inclúen unha medida pioneira entre as Deputacións en España: cláusulas sociais, que bloquean os abusos da reforma laboral do Goberno Central.
A incorporación de cláusulas sociais nos pregos destes contratos garante a subrogación de todos os empregos, cunhas condicións laborais que melloran o convenio provincial do sector da limpeza. O Presidente explicou “por culpa da reforma laboral do Goberno Central, as empresas poden facer un novo convenio que se descolgue do convenio provincial do sector da limpeza. O que significaría: non subrogar ó persoal, despedilo para contratar outro novo, baixar os soldos, reducir permisos ou mesmo aumentar a xornada laboral. É dicir: empeorar as condicións”.
“Nós bloqueamos estes abusos. As empresas que traballen coa Deputación de Lugo, non só teñen que cumprir o convenio provincial do sector da limpeza. Teñen que melloralo. En caso contrario, resolveremos o contrato. É dicir, blindamos os vosos postos de emprego, ademais de mellorar as vosas condicións salariais e sociais”, subliñou.
Melloras das condicións
As leis autonómica e estatal obrigan a puntuar máis á oferta económica máis vantaxosa. Coas cláusulas sociais, a Deputación introduciu tamén a puntuación das melloras laborais con respecto ó convenio provincial de limpeza. Os 3 contratos asinados hoxe contemplan melloras, entre elas:
1.- Incrementos salariais que van desde os 62 euros ós 374 anuais.
2.- Facilidades para recibir calquera día do mes un anticipo de ata o 90% do salario mensual, sempre que exista unha razón xustificada. Ata o de agora, só é posible recibir o adianto 2 días antes.
3.- A xornada laboral non poderá exceder as 39 horas á semana. Unha empresa mesmo ofrece a redución dunha hora máis, ata as 38.
4.- O tempo de descanso diario é de 20 minutos, pero tamén hai algunha empresa que ofertou 30 minutos.
5.- Os días para asuntos propios ó ano son 11, pero de novo hai algunha empresa que ofertou ata 14.
6.- Os días retribuídos pola empresa por matrimonio son 18, pero algunha oferta chega ós 22 días.
7.- Os días retribuídos pola empresa por nacemento dun fillo son 3, pero algunha empresa chega a ofrecer 5.
8.- Coas cláusulas sociais as 40 traballadoras terán máis facilidades para conciliar a vida laboral e familiar. Por exemplo, algunha oferta contempla un banco de tempo recuperable de 96 horas anuais, que permite flexibilizar o horario de traballo; a concesión de 8 horas anuais para acudir a titorías de colexio dos menores de 16 anos; ou a ampliación a 20 horas anuais de permisos para acudir a consultas médicas.
160 empregos blindados
Besteiro anuncio que estas políticas progresistas non quedarán aquí. “Despois de blindar os empregos das 40 traballadoras que integrades o servizo provincial de limpeza, faremos o mesmo cos do servizo provincial de seguridade, conservación da rede viaria provincial, Centro de Atención ó Usuario, Goberno Intelixente ou co Barco Muralla, contratos nos que xa incorporamos cláusulas sociais, que beneficiarán a máis de 160 traballadores”.
O Presidente lembrou que tamén se levaron ó Parlamento galego as cláusulas sociais da Deputación para que a Xunta as incorporase nos seus contratos. “Inexplicablemente, atopámonos coa negativa do Goberno autonómico. Esperamos que o Executivo galego rectifique, porque existe outra forma de facer as cousas. A contratación pública é unha política pública máis coa que ofrecer solucións á cidadanía”, remarcou.
Besteiro pediu ás 40 traballadoras “un maior compromiso se cabe, porque tedes unha gran responsabilidade”, posto que, tal e como anunciou o Presidente, nun prazo de seis meses, a Deputación incorporará controis de calidade no servizo de limpeza e recollida selectiva de residuos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
