O Grupo Municipal Socialista pedirá un pleno extraordinario para solicitar unha actualización dos valores catastrais que se aplican para o imposto sobre bens e inmobles (IBI) dos veciños de Burela.
O valor catastral que se aplica agora foi actualizado no ano 2006 por decisión do actual alcalde, e naquel entón acordouse que a aplicación dos incrementos definitivos remataríanse en dez anos, facéndose subas anuais do 10%.
Como é evidente a situación social, económica, laboral, patrimonial, actividade empresarial, demandas de compra venda de solares e vivendas, condicións financeiras, etc. eran moi diferentes con respecto á actualidade. Como consecuencia os valores dos bens e inmobles tampouco son os mesmos e faise moi necesaria unha actualización á realidade presente para que os impostos que os veciños pagan de IBI sexan xustos e adecuados o verdadeiro valor catastral actual.
Antes da celebración do pleno faremos un acto público onde se invitará a todos os veciños para informar e ser informados de todo o relacionado co tema.
O pasado xoves celebramos un pleno ordinario onde o alcalde propón unha redución de 0.02 do IBI, o cal vai a significar moi pouco na cantidade a pagar.
Neste mesmo pleno o alcalde trae para a súa aprobación a aplicación do -0.5% ( Valor do IPC interanual) para algunhas (non para todas, como sería o máis xusto e lóxico) taxas, impostos e prezos públicos. Este alcalde que leva dende que entrou no concello subindo todos os anos o IPC e o que non é IPC, creando e inventando novos impostos, aplicando un canon caro no recibo da auga subindo un 34% a taxa do lixo, ven agora como salvador da patria o reducir un 0.5% en certos tributos, coincidindo co último ano da lexislatura e pretendendo motivar o voto para maio do 2015. Triste.
Pero onde si sorprendeu foi coa proposta de derogar a ordenanza fiscal Nº 30 sobre o incremento do valor dos terreos de natureza urbana (plusvalías). E faino despois de estar aplicando este imposto nos últimos anos, un imposto que el soliño decidiu aplicar. Claro, os veciños que pagaron este imposto durante este tempo non entenden como non se fixo antes, ou que fosen informados de tal decisión para evitar cuestións obvias.
Este imposto suprímese unicamente pola presión que o alcalde recibiu dos veciños, onde lle esixiron a retirada inmediata. Como el pensa no futuro electoral accedeu rápido á petición dos afectados.
Neste punto o Grupo socialista abstívose, non pola retirada ou non retirada do imposto. Nosoutros abstivémonos por que desconfiamos da xustificación que o señor alcalde fixo para suprimir este imposto. En primeiro lugar os informes dos técnicos non avalan nin analizan as consecuencias da retirada deste imposto. En segundo lugar o concello está suxeito a un plan de axuste onde se considera como medida a aplicar, para lograr os fins do plan, a imposición das plusvalías. En terceiro lugar o alcalde só se limita a fantasiar sobre as condicións económicas dos próximos anos sen definir nin aclarar de onde se vai a recadar nin por que elimina unha medida do plan de axuste sen colocar outra que a substitúa. Alá el.
O Grupo Municipal Socialista levou tres mocións ó pleno. Unha para reducir a taxa do lixo por non cumprirse en Sogama as condicións económicas que motivaron a suba do 34%. O PP votou en contra. Outra foi para mellorar as condicións para acadar e manter as bolsas en educación. O PP volveu a votar en contra. A terceira foi para construír un contrato para que a Banda de Música funcione de acordo con un convenio asinado polo Concello a propia Banda e os xestores da Banda (Amigos da Banda). O PP que votou?…Exactamente.
Alfredo Llano García. Voceiro do Grupo Municipal Socialista
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
