Lugo, 30 de setembro de 2014.- O Grupo Provincial Popular defendeu este martes a xestión da Delegación do Goberno e da Subdelegación en Lugo e pediulle a Besteiro que “non xere alarma”.
Os populares explicaron que non se pode estar en contra de iniciativas que pidan calquera mellora na seguridade, pero esixiron rigor no estudo dos datos, que seguen a ser semellantes ao da época socialista no Goberno central.
Deste xeito dende o GPP referiron á estabilidade do número de efectivos da Garda Civil e ao grao de cobertura do cadro de persoal, situado nun 94% na nosa provincia.
Así, o grupo provincial instou a Besteiro a consultar información do Ministerio do Interior, onde se reflicte que na provincia de Lugo, incluída a cidade da muralla, o número de axentes por mil habitantes está por riba da media nacional, sendo na provincia 3.8 e en España 3.7.
Tomando como referencia os datos do Ministerio de Interior, os populares aseguraron que no que atinxe a evolución da criminalidade na demarcación da Garda Civil, as infraccións penais no primeiro semestre do ano descenderon nun 5.3% no tocante ao mesmo período do ano 2013 e no que a roubos con forza se refire, diminuíron os seis primeiros meses un 22%.
O grupo provincial popular lembrou que no ano 2013 creouse o equipo ROCA, unha unidade encargada de incrementar a seguridade nas explotacións mediante unha vixilancia permanente e unha maior comunicación cos colectivos afectados e rematou explicando que estes equipos proporcionan unha cobertura integral ao agricultor e ao gandeiro que vai dende os contactos iniciais, pasando polo intercambio de información e acción formativas de seguridade, ata a investigación e identificación dos delincuentes.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
