O Pleno da Deputación de Lugo aprobou cos votos de PSOE e BNG esixir ao Goberno de Feijóo a inmediata retirada da suba nun 34% do canon de Sogama aos Concellos. O PP opúxose a súa retirada a pesares de que recoñeceu que esta Sociedade tivo un 85% menos de perdas que as anunciadas pola Xunta, pouco máis de 600.000 euros fronte aos 4 millóns calculados polo Executivo autonómico; e que ingresará 18 millóns de euros ao ano pola reforma enerxética do Ministerio de Industria.
“Desveladas as mentiras de Feijóo, que empregou previsións catastrofistas para obrigar aos veciños a pagar máis pola xestión do lixo, xa non hai escusas para manter o taxazo de Sogama aos municipios”, subliñou o Deputado de Cooperación e Asistencia aos Concellos, Álvaro Santos Ramos.
Seguridade
O grupo provincial socialista presentou unha moción ao Pleno para esixir ao Delegado do Goberno en Galicia que incremente o número de efectivos das Forzas de Seguridade do Estado na provincia e a Feijóo que promova as esixencias necesarias ante o Executivo central para dotar ao rural dunha maior seguridade. Segundo datos do Balance de Criminalidade do Ministerio do Interior, os roubos con violencia e intimidación aumentaron na provincia nun 45% no último ano, afectando especialmente ao rural. Os Presupostos do Estado para 2014 recollen o recorte de máis de 5.000 axentes no país (4.000 efectivos da Policía Nacional e 1.137 da Garda Civil). Ante esta situación, a moción do PSOE foi aprobada por unanimidade a pesares de que o PP puxo entredito os datos publicados e presentados no Congreso polo Goberno Central.
Situación económica
A Deputada de Economía, Recadación e Facenda, Pilar García Porto, deu conta da situación económica da institución, detallando os últimos datos oficias:
1. A Deputación de Lugo paga ós provedores nunha media de 12 días, un prazo moi inferior aos 30 días esixidos pola Lei. “Seguimos á cabeza das administracións galegas que mellor pagan, por riba da Xunta, que, segundo os últimos datos oficiais, faino nun prazo medio de 20 días”, destacou Porto.
2. A de Lugo é a Deputación de Galicia que máis inviste por habitante: 91 euros fronte aos 65 da Coruña, 62 de Pontevedra e Ourense.
3. O organismo provincial segue a baixar a débeda. “Remataremos este ano con 22 millóns de euros e acadaremos o endebedamento cero no 2016. Pasaremos dunha débeda por habitante de 343 euros no ano 2007 a 64 ó peche deste 2014”.
4. “No ano 2013, executamos o 76,3% do orzamento, un nivel que se sitúa entre os máis altos das deputacións galegas. O grao de cumprimento elévase ao 97% no caso dos investimentos en obras e servizos”, subliñou.
“Os únicos que fan recortes son a Xunta e o Goberno central. A principal fonte de ingresos do organismo provincial son as transferencias do Estado, que se recortaron en 11 millóns de euros soamente nos últimos 5 anos”, subliñou a Deputada.
Estrada Palas de Rei
O Partido Popular tentou culpar á Deputación do estado no que se atopa o treito da 4011 que discorre dende A Avieira ata Tarrío e que é do Concello de Palas de Rei. Os populares presentaron unha moción de urxencia para esixir o seu arranxo logo das reclamacións dos veciños ante o Concello palense. O Deputado de Xestión Territorial lembrou ao PP que o organismo provincial é titular do treito dende o cemiterio ata A Avieira e o Concello de Palas de Rei do treito dende A Avieira ata Tarrio. Manuel Martínez destacou que o treito da Deputación está en boas condicións. De feito, a Deputación investiu 180.000 euros na mellora dende o punto quilométrico 0,187 ao 0,637. Ademais de mellorar o firme con aglomerado en quente, incrementar o ancho da estrada a 6 metros, realizar as tarefas de saneamento, canalización de augas pluviais, pintado horizontal e vertical, a institución dotou a este vial de beirarrúas, así como dun acceso peonil para facilitar o acceso ao cemiterio e garantir a seguridade dos viandantes.
Infraestruturas na Mariña
Cos votos de PSOE e BNG, e a negativa do PP, o Pleno aprobou esixir ao Ministerio de Fomento a posta en marcha dun plan específico de infraestruturas na Mariña que conte coa consignación orzamentaria necesaria para garantir unhas comunicacións seguras e para executar vías vitais para a vertebración da Comarca, como a Autovía Barreiros-San Cibrao.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
