Unha agradable tarde de verán acolleu a primeira xornada da LNB NorLeste da tempada 2014/15 na Ponte de Outeiro. O III “Aberto da Terra non se vende” disputouse nun terreo en aceptables condicións ainda que un pouco brando e con numerosa participación malia ausencia de palanadores veteráns que disculparon nesta ocasión a súa presencia e agardan impacientes a vindeira para nos acompañar.
Comenzamos esta liga con trece equipos en liza ca incorporación de “Pena verde” de Trabada e “Polka” de Pol que amosaron xa de primeiras que veñen con gañas de loita e non só como mera comparsa, sobresaindo Peña polos de Trabada e Manu polos de Pol. Do resto de equipos temos que destacar a deportividade, o bo ambiente que se respira nos abertos e o gran nivel de tódolos palanadores que vai in crescendo de tempada en tempada.
Un equipo que notou en demasía as ausencias foi “Remourelle Bulls” con Villarino como único representante e que ainda que loitou bravamente pouco puido facer el so (Lucia, Marcos, Martiño, Milio e Muriego son demasiadas baixas para unha xornada). Agardamos a sua inmediata incorporación.
Moi forte comenzaron “O Cadaval” (tamén con alguna baixa) que foron os dominadores por equipos con Pepe Vidal como máximo expoñente e o resto mais ou menos na liña de sempre con algún altibaixo como soe acontecer a principios de tempada.
No eido individual, destacar que segundo o que se viu en Ponte de Outeiro, vai ser unha tempada moi dura e disputada. Moitos galos xuntos loitando sin trégola por escalar o primeiro posto. Nesta ocasión foron tres os que acadaron o pleno de cinco carreiras gañadas e se disputaron os tres primeiros postos nun desempate a tres carreiras.
Rodrigo (mais coñecido por “Hervi”) de “Extensión Billarda” tivo unha excepcional tarde de acertos que nembargantes non foi quen de aguantar na final e foi superado por Pepe Vidal (de “O Cadaval”) que gateou ata o 2º caixon, pero sobretodo por un renacido MarKytos (“Billardeiros Musicais”), que superada a dolencia que o apartou da competición nas derradeiras xornadas da tempada pasada, volve como ave Fénix e non deu opción a ningún dos seus dos rivais. Como dixo Xulio César no Senado de Roma: Veni, vidi, vinci…
Ponte de Outeiro é un dos lugares mais difíciles para facer varados e así quedou demostrado mais unha vez. Algún acercamento houbo non ostante, pero so o poderoso brazo de Charli, un dos mais destacados especialistas, foi quen de mandala billarda entre os varais de un so golpe conseguindo o único VARADO da tarde.
Logo da entrega dos artesanais e artísticos trofeos a cargo de Isma en representación de Carabullo Asociación Cultural os gañadores desta 1ª xornada, rematamos en festa con petiscos e uns grolos de viño acompañados de música de gaitas e bailes.
As clasificacións quedaron asi:
Individual: Markytos, Pepe Vidal e Rodrigo 10 p., Dani Morán, Daniel, Javi Morán, Oscar e Pepe Outeiro 9 p.
Equipos: O Cadaval 34 p., Billardeiros Musicais 31 p., Carabullo de Teixo 29 p.
Femenino: Geles, Irea, Lorena, Noelia, Paula e Sara 4 p.
Varados: Charli 1 Varado
Parabéns a todos os palanadores/as, en especial os gañadores da tarde e lembrar que a segunda xornada será o vindeiro 11 de outubro na Cadeira-Trabada.
A mostra reúne unha ampla selección de obras inspiradas na vida, a paisaxe e a identidade mariñá. O acto inaugural celebrarase o domingo 29 de marzo ás 18:00 horas e contará cunha actuación especial da chelista Amanda López López.
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
