Lugo 1 de outubro de 2014.- Os deputados nacionais lucenses Joaquín García Díez e Olga Iglesias fixeron este martes unha valoración dos orzamentos xerais do Estado para 2015 que foron presentados no día de onte no Congreso dos Deputados.
Nunha rolda de prensa, ámbolos dous deputados salientaron o esforzo inversor do Ministerio de Fomento na provincia de Lugo, que investirá no ano 2015 na provincia 93.88 millóns de euros, dos cales 75,1 millóns destinaranse a estradas e 17,29 a ferrocarrís. Estes datos revelan que Lugo sigue sendo a cuarta provincia en inversión de estradas.
“Se nos Orzamentos Xerais do Estado para 2014 destacábamos o esforzo inversor do Departamento que dirixe Ana Pastor, onde se destinaban 99 millóns de euros a estradas co compromiso de poñer en funcionamento neste ano a totalidade dos tramos da A-8 na provincia lucense, este ano, e cumprido o anterior compromiso, asúmese o reto de dar o impulso definitivo á conexión por autovía entre Lugo e Santiago”- afirmou García Díez.
Neste senso, os populares salientaron que nos PXE 2015 inclúese unha partida de 85,2 millóns de euros para a autovía entre Lugo e Santiago, o que significa que se trata da segunda partida máis relevante a nivel galego.
Porén, ámbolos dous deputados nacionais valoraron moi positivamente este compromiso, posto que “permitirá ter operativos tódolos tramos desta autovía entre Lugo e Guntín no primeiro semestre de 2015 e entre Guntín e Palas de Rei no segundo, ao tempo que avanzarán a bo ritmo os trámites na provincia de A Coruña”.
García Díez e Iglesias Fontal tamén informaron de que se licitarán as obras do intercomunicador de Guntín, entre a autovía A-54 e a N-540, orzamentada con 2.260.000€ e a A-56, entre Lugo e Ourense, terá dotación orzamentaria de 5.000.000€ para executar obras entre San Martiño e A Barrela Norte.
En canto ao norte da provincia, os populares valoraron positivamente a inclusión dunha partida de 500.000€ para redactar o proxecto da Autovía A-82 entre Barreiros e San Ciprián, partida que quintuplica a que figuraba no presente exercicio e que contempla sucesivas anualidades, ata un importe de 19.500.000€ por vez primeira.
OUTROS PROXECTOS
Os deputados lucenses lembraron algúns proxectos singulares do departamento que dirixe Ana Pastor, que serán acometidos durante 2015. Figuran aquí a continuación do proxecto que permitirá unir a nova ponte sobre o río Miño coa rede viaria da capital, isto é unha ampliación para a que se destina 200.000€, a rehabilitación e a ampliación do paso en Meira sobre a N-640, obra para a que o Ministerio de Fomento destina 508.000€, ou a mellora do pavimento e da seguridade vial na travesía de Palas de Rei na N-547, cunha partida orzamentaria de 168.000€.
García Díez e Iglesias Fontal destacaron as cantidades dedicadas a conservación e mellora da seguridade vial na rede de estradas do estado na provincia de Lugo, que ascenden a 12.322.000€ e subliñaron que no tocante a ferrocarrís, incrementáronse as cantidades orzamentadas, 17,29 millóns de euros, nun 4,2% respecto a esta anualidade, incluíndo a continuación do tramo da liña de Alta velocidade denominado variante da Puebla de San Julián con 6.000.000€. Destacaron tamén actuacións na supresión de pasos a nivel, estacións de viaxeiros ou o mantemento da rede convencional (523.000€).
Os deputados populares destacaron a importancia de que os PXE 2015 contemplen unha partida na Dirección Xeral de Arquitectura do Ministerio de Fomento por importe de 600.000€ para actuacións de interese cultural no camiño francés, ao seu paso polos concellos de Paradela, Pedrafita, Portomarín , Samos e Triacastela, dada a importancia dos diferentes camiños a capital galega na nosa provincia.
Resaltaron ámbolos dous deputados as inversións doutros ministerios como as partidas destinadas a melloras nas prisións de Bonxe e Monterroso por importe de 1,43 millóns ou comisarias de policía por 348.000€.
“Dentro da DG de Sostenibilidade da Costa e o Mar (MAGRAMA) e destinado a inversións de recuperación de litorais e control de regresión da costa figuran partidas que suman algo máis de millón e medio de euros”- manifestaron, e engadiron que en este mesmo Ministerio e na DG de Desenvolvemento Rural e política Forestal orzaméntanse 450.000€ para a adecuación de camiños naturais na Mariña lucense.
Explicaron que nos orzamentos da Confederación Hidrográfica Miño-Sil, figuran diferentes partidas por un total de aproximadamente 5.300.000€ destinados a actuacións en cauces, expropiacións cerradas e saneamento e depuración de augas, ás que cabe sumar os 2.695.000€ asignados ás obras de abastecemento e rede de colectores da cidade de Lugo.
Remataron os deputados lucenses afirmando que os Orzamentos Xerais do Estado de 2015 afianzan a recuperación económica en España e garanten o Estado do Benestar con subas en tódalas partidas de gasto social, e sempre cumprindo os compromisos de consolidación fiscal.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
