O vindeiro sábado, 4 de outubro, ás 12.00 horas, na Casa da Cultura de San Cibrao, darán comezo as actividades do programa cultural que coordina Os Aventados, co título de “Galegos e Mariñanos”.
Nesta ocasión, intentarán achegar aos asisntentes á charla as orixes do porto de San Cibrao, pertencente á parroquia de Santa María de Lieiro, do Concello de Cervo, na antiga provincia de Mondoñedo. Partirase dun lugar descrito como Illas San Cyprianus, posiblemente recolleito por Claudio Ptolomeo como Arquipélago Trileucos, e cuxa presencia na cartografía sobre a Galicia do Cantábrico, é unha constante.
Os achados arqueolóxicos no lugar denominado como Punta Atalaya ou Porto de Arriba, indican a existencia dun Castro Celta mariño, sobre o que logo asentará a cristianización mediante a capela dedicada a San Cibrao, e moito máis tarde un faro(1864) e un peirao(1939).
A colaboración presente do grupo Mariña Patrimonio, permitiranos saber a antigüidade do Castro, as súas dimensións, as relacións dos seus poboadores con outros pobos de navegantes.
A charla, acompañada de proxeccións, será unha oportunidade para coñecer as nosas orixes no mundo antigo, así como o patrimonio histórico que atesouramos, coas súas posibilidades de divulgación e os deberes de conservación de tal tesouro.
A charla acompáñase de debate e conclusións que faremos públicas, sobre todo polo que significa dispoñer dun lugar cuxo tratamento científico pode ser unha fonte de visitas, do mesmo xeito que sucede en lugares como Castro Baroña en Barbanza.
Galicia non só é: praias, portos pesqueiros, belezas naturais como as que gozamos na Mariña, é tamén historia, lendas, dereito á conservación do medio e dos nosos vestixios culturais, para saber quen somos e de onde vimos, nun claro compromiso identitario.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
