Lourenzá, 2 de outubro de 2014. O Concello de Lourenzá, cunha subvención da Xunta de Galicia, está mellorando os parques infantís do municipio para adaptalos á nova normativa desas instalacións. No do Cantón de Vilanova acaban de rematar as obras.
A alcaldesa, Emma Álvarez Chao, explicou que “á area infantil que está situada no Cantón, o parque onde xogan os nenos habitualmente, acaba de ser remodelado. Colocamos uns novos equipos de xogo e tamén substituímos o pavimento existente por caucho continuo. Instalamos ademais un cartel con números de teléfono de urxencias e outros de interese, así como as idades para as que están destinados estes xogos. Esta actuación fixémola grazas a unha subvención para a execución de infraestruturas de uso público da Consellería de Presidencia, pola cal a Xunta de Galicia aportou 22.500 euros para facer estas obras. O importe total do proxecto son 30.000 euros, polo que o Concello aportou 7.500 de fondos propios”.
A rexedora municipal engadiu que “tamén se levan a cabo actuacións noutros 6 parques: no da Avenida de Soutelo, ao carón do polideportivo; na capela da Gracia; na capela da O, en Canedo; na área de San Xorxe, na área de Santo Tomé e tamén en San Adriano, ao carón da antiga escola unitaria. Nestes parques as obras consisten na colocación de carteis, de vallas, melloras de accesibilidade e remover a area. Nalgún deles tamén se van recolocar os xogos. Isto faise para garantir a seguridade dos nosos nenos. Optamos por pedir esta subvención para que os nosos parques sexan seguros”.
Emma Álvarez destacou que “actuamos en case todos os parques do concello. A día de hoxe faltan dous por mellorar e que non foron obxecto desta subvención, que son o do Soutelo, máis coñecido como Ranchito, e o que hai en Oural. Nestes dous parques actuaremos dende o Concello e o que se fará é recolocar algúns dos xogos e tamén adaptar as barreiras, remover area e instalar vallas. Estas actuacións faranse unha vez remate a Festa da Faba e poidamos dispoñer de persoal para levalas a cabo. Agora están acondicionando o parque de San Xorxe e o de Santo Tomé, co cal esperamos que ao longo da semana que vén eses 7 parques queden definitivamente remodelados”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
