Lugo, 2 de outubro de 2014. A Vicepresidencia da Deputación e Asociación de Familiares de persoas con Alzheimer e outras Demencias de Viveiro (AFAVI) asinaron este xoves un convenio a través do que a asociación de Viveiro, a única que neste eido que existe na comarca da Mariña, recibirá unha axuda de 5.000 euros. Á firma asistiron o vicepresidente e responsable da área de Benestar do organismo provincial, o nacionalista Antonio Veiga, e o novo presidente de AFAVI, Ricardo Piñeiro López.
AFAVI atende no seu local situado no local de asociacións do convento de San Francisco a unha ducia de persoas afectadas pola enfermidade de alzheimer, ás que ofrece servizo de acollida e primeira atención, orientación e asesoramento en recursos sociais, e actividades como ximnasia adaptada ou talleres de estimulación cognitiva, entre outras. De feito, estes 5.000 euros son para cubrir unha parte dos gastos derivados do ‘Programa de estimulación e mantemento cognitivo en persoas maiores’.
Veiga gabou o traballo realizado por esta asociación e comprometeu o apoio da institución a colectivos que, coma este “suplen a irresponsabilidade da Xunta de Galiza do Partido Popular, que deixa abandonadas ás persoas dependentes do noso país, sen axudas e sen servizos sociais necesarios”. Así mesmo, afirmou que “en cuestión de servizos sociais non cabe ningún tipo de recorte”, polo que “cos recortes de Feijóo faise aínda máis importante a labor destas asociacións e o apoio da Deputación serve para cubrir os ocos que vai deixando Feijoo”, que colabora con outros colectivos de familiares de enfermos de alzheimer existentes noutros tres lugares da provincia (Monforte, Lugo e Chantada). En total, lembrou Veiga, a Deputación destina 2,8 millóns de euros anuais a atención a persoas dependentes. “A liña seguida nos últimos anos desde a área de Benestar foi a de incrementar as dotacións orzamentarias e as axudas a colectivos como os que melloran as condicións de vida dos enfermos de alzheimer”, puntualizou.
AFAVI é unha asociación sen ánimo de lucro creada en xaneiro de 2005 ante a necesidade de atender as demandas dun grupo de familiares de enfermos de alzheimer, co obxectivo de conseguir unha maior calidade de vida tanto para os enfermos como para os seus coidadores e, ao mesmo tempo, difundir na sociedade a existencia desta enfermidade e sensibilizar á opinión pública e ás institucións sobre a carga familiar que supón atender a unha persoa afectada pola mesma, así como fomentar a investigación científica sobre este tipo de demencia. Que os usuarios desta asociación consigan o maior grado de autonomía posible e evitar o seu illamento potenciando as relacións e actividades sociais gratificantes son outras das premisas que se marcan desde AFAVI.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
