A Vicepresidenta Segunda, Lara Méndez, xunto á Alcaldesa do Concello de Viveiro, María Loureiro, estiveron este venres no Porto de Celeiro para coñecer de primeira man o desenvolvemento do curso de Desenvolvemento de produtos pesqueiros, que organiza a Deputación de Lugo en colaboración coa Universidade de Santiago de Compostela. Un total de 15 alumnos participaron na primeira edición do curso que hoxe remata en Viveiro, que se sumarán a outros 15 que o farán a vindeira semana nas instalacións da Asociación de Armadores de Burela.
Os participantes nesta acción formativa puideron aprender técnicas pioneiras para elaborar produtos reestruturados de pescado, como xamón cocido, desenvolvidas grazas a un convenio de colaboración asinado polo organismo provincial e Universidade de Santiago de Compostela, que permitiu afondar no estudo e aproveitamento dun dos sectores punteiros da provincia, como é o do mar. Durante a súa visita, a Vicepresidenta, que puido degustar estes novos produtos, destacou que “a posta en práctica destas técnicas para a transformación do peixe abrirán un amplo abano de posibilidades no sector do mar ao xerar valor engadido ás capturas tradicionais, ofrecendo así novas oportunidades de negocio e creando emprego”.
Méndez subliñou que, ademais, “grazas á súa presentación, sabor e textura, estes novos produtos poderán contribuír ao aumento do consumo de peixe entre diferentes sectores da poboación”. Pola súa banda, María Loureiro agradeceu novamente á Deputación o esforzo por “dinamizar o sector na Mariña en xeral, e en Viveiro en particular, e ofrecer máis oportunidades para o desenvolvemento de novas industrias”.
Investimento en I+D+i
O obxectivo principal deste convenio de colaboración entre a Deputación de Lugo e a Universidade de Santiago de Compostela, que supuxo un investimento de 30.000 euros en I+D+i, foi desenvolver un método alternativo para o aproveitamento dos excedentes de merluza e bonito do norte. Os resultados das investigacións permitiron a creación dun novo produto reestruturado, utilizando unha pequena porcentaxe de sal con varios centos de unidades de transglutaminasa, enzima natural que serve de pegamento para unir os fragmentos de peixe nunha soa peza, e que posibilita a reconstrución deste alimento. Agora, o grupo de investigación continuará traballando durante un ano máis para estudar o tempo de vida útil dos produtos, así como outras vías de conservación, como a esterilización por calor ou por altas presións.
A vindeira semana, en Burela
Unha nova edición deste curso, totalmente gratuíto, celebrarase na Asociación de Armadores de Burela a vindeira semana. Outros 15 participantes contarán con sesións teóricas e prácticas, entre o 7 e o 10 de outubro, en horario de 16:00 a 20:00 horas, nas que aprenderán sobre a preparación de produtos reestruturados de merluza e bonito e as súas características; a manipulación de alimentos; a composición química do peixe ou os aditivos empregados no proceso tecnolóxico de reestruturación do peixe.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
