Por petición do Grupo Municipal Socialista este venres, día 3 de outubro, celebramos un pleno extraordinario para debater un único punto na orde do día:
PROPOSTA DO GRUPO MUNICIPAL SOCIALISTA PARA QUE A CORPORACIÓN MUNICIPAL ACORDE SOLICITAR UNHA REVISIÓN E ACTUALIZACIÓN DOS VALORES CATASTRAIS QUE SE APLICAN PARA O IMPOSTO SOBRE BENS E INMOBLES (IBI) NO CONCELLO DE BURELA
A actualización catastral é moi necesaria e moi demandada polo conxunto dos veciños de Buela. A lei é clara “ o valor catastral dos inmobles non poderá superar o valor de mercado “. Como a última revisión catastral vixente no Concello de Burela é do ano 2006, en pleno “Boom” inmobiliario, hai razóns de moito peso para realizar unha actualización simultánea dos valores catastrais de todos os bens e inmobles urbanos e rústicos do municipio, coa finalidade de adecualos ós valores do mercado e concordar as características físicas e xurídicas á realidade.
O propio Ministerio de Facenda e Administracións Públicas recoñece que os prezos baixaron substancialmente dende entón, e neste mesmo ano moitos concellos solicitaron e foron aceptadas as revisións para valorar á baixa os seos valores catastrais.
O valor catastral é un referente de carácter tributario para recadación de diversas cuestións impositivas das administracións estatal, autonómica ou local. O Imposto sobre Bens e Inmobles (IBI) é un imposto local que recolle como base impoñible o valor catastral.
En Burela dende o ano 2006 estase incrementando un dez por cen anual dita base impoñible, e non se culmina este proceso de suba ata o ano 2017. como esta situación non se modula coa realidade económica e social actual, non é xusto que siga a ser a referencia para pagar o IBI, o que obriga a realizar unha revisión o antes posible, para que poida servir como referencia para o ano 2015. Si ademais hai que actualizar estes valores á situación creada pola aprobación do plan xeral a urxencia está máis que demostrada.
Pero no pleno extraordinario o Grupo Municipal do PP votou en contra da proposta socialista. Por que?
a/ O pasado xoves día 25 celebramos un pleno ordinario e no transcurso deste pleno, o Grupo Socialista manifestou a súa intención de solicitar unha revisión catastral. As razóns que xustificaba a revisión foi enviada ós medios de comunicación.
b/ Isto, non sabemos as razóns, sentou moi mal ó alcalde, que manifestou que non eramos quen para facer tal solicitude, amosando enfado manifesto por ser, nós, os que propoñemos a iniciativa.
c/ Con rexistro de saída do venres día 26, o alcalde manda unha carta dirixida ó Xerente Provincial do Catastro indicándolle que o Concello de Burela ten intención de levar a cabo unha revisión dos valores catastrais dos inmobles e solicítalle información sobre o procedemento a seguir. Deseguido manifesta, tamén nos medios, que o Grupo Socialista vai a remolque por que xa mandou el a solicitude, e non temos por que pedir un pleno extraordinario.
d/ Pero a causa real (e triste) de votar non a esta proposta é, sen dúbida, a de non recoñecer iniciativa ou valor á oposición, querendo quedar o señor alcalde como único elemento protagonista das iniciativas municipais, demostrando que lle importa máis esta cuestións, a de ser protagonista, que os intereses lexítimos dos veciños de Burela.
O Grupo Municipal Socialista fará un acto público para explicar a necesidade de actualizar o catastro, a situación do imposto sobre bens e inmobles (IBI) e de como afectou a aprobación do plan xeral neste tema.
Alfredo Llano García. Voceiro do Grupo Municipal Socialista
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
