O grupo municipal do PP de Viveiro presentou no pleno do 03/07/2014 varias preguntas dirixidas á Alcaldesa sobre a situación en que se encontraba a Avda. Cervantes dentro do casco histórico e paralela á Igrexa de San Francisco en Viveiro, para coñecer as medidas a tomar polo goberno local como consecuencia do calamitoso estado que presentaba e presenta tanto para peóns coma para vehículos.
Con antelación, o noso grupo preguntaba no pleno do 23/09/2009 ao entón Alcalde por esta mesma situación, sendo a súa resposta que o Arquitecto estaba a traballar sobre o mencionado asunto. . Por todo iso levamos a pleno tres preguntas por se a Alcaldesa tenia a ben contestar, algo que só se fixo parcialmente.
As tres preguntas formuladas eran se se finalizara o proxecto que contemplaba a reparación desta Avenida, segunda, se o Goberno local a día de hoxe realizara algunha xestión coas Administracións provincial, autonómica e estatal para un posible financiamento desta obra e finalmente se o goberno local tiña a curto prazo algunha solución para evitar que os peóns e vehículos seguisen a sufrir a situación de deterioración da devandita avenida. A resposta da Alcaldesa limitouse a que eran coñecedores da situación e que había un proxecto en redacción.
Despois de non obter resposta en pleno ás dúas últimas preguntas, podemos informar os veciños que segundo puidemos saber, na actualidade existe un anteproxecto na oficina técnica do Concello cun presuposto de obra de 400.000 euros aproximadamente, moi inferior ao millón de euros que afirmaba o daquela Alcalde nun pleno de Abril do 2013.
En resumo o PP de Viveiro por propia petición e dos veciños, solicitamos unha vez máis o Goberno local que realice as xestións necesarias para buscar financiamento nas distintas Administracións do Estado para poder acometer a urxente reparación desta Avenida (o cal a día de hoxe descoñecemos de xeito oficial que se realizase).
O PP de Viveiro pide o grupo de goberno, unha rápida solución a esta deteriorada situación que non é máis que o fiel reflexo do abandono ao que a Alcaldesa e o seu equipo de goberno teñen sumido o municipio.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
